Top

ഫോബ്സ്: അംബാനിയെ മറികടന്ന് അദാനി; കേരളത്തിൽ ഏറ്റവും സമ്പന്നൻ എംഎ യൂസുഫലി

എംജി ജോർജ് മൂത്തൂറ്റ്​, ബൈജു രവീന്ദ്രൻ, ജോയ്​ ആലുക്കാസ്, എസ്​ ഗോപാലകൃഷ്ണൻ എന്നിവരാണ് പട്ടികയിലിടം നേടിയ മറ്റ് മലയാളികൾ

13 Oct 2022 4:33 PM GMT
റിപ്പോർട്ടർ നെറ്റ്‌വർക്ക്

ഫോബ്സ്: അംബാനിയെ മറികടന്ന് അദാനി; കേരളത്തിൽ ഏറ്റവും സമ്പന്നൻ എംഎ യൂസുഫലി
X

അബുദാബി: ഫോബ്സ് മാ​ഗസിൻ പ്രസിദ്ധീകരിച്ച ഇന്ത്യയിലെ കോടീശ്വരന്മാരുടെ പട്ടികയിൽ ഒന്നാമതെത്തി ​ഗൗതം അദാനി. മുകേഷ് അംബാനിയെ മറികടന്നാണ് അദാനി മുമ്പിലെത്തിയത്. 2021ൽ 7,480 കോടി ഡോളർ ആസ്തിയുണ്ടായിരുന്ന അദാനി ഒറ്റ വർഷം കൊണ്ടാണ് ആസ്തി വർധിപ്പിച്ചത്. 15,000 കോടി ഡോളറാണ് ​ഗൗതം അദാനിയുടെ ആസ്തി.

മുകേഷ് അംബാനിയാണ് കോടീശ്വരന്മാരുടെ പട്ടികയിൽ രണ്ടാം സ്ഥാനത്തുളളത്. 8,800 കോടി ഡോളർ ആണ് മുകേഷ് അംബാനിയുടെ ആസ്തി. രാധാകിഷൻ ദമാനി, സൈറസ്​ പൂനവല്ല, ഷിവ​ നാടാർ എന്നിവരാണ് പട്ടികയിൽ ഇടം നേടിയ മറ്റുളളവർ. 2,760 കോടി ​ഡോളർ ആണ് രാധാകിഷൻ ദമാനിയുടെ ആസ്തി. സൈറസ്​ പൂനവല്ലയുടെ ആസ്തി 2,150 കോടി ഡോളറും ഷിവ​ നാടാറിന്റേത് 2,140 കോടി ഡോളറുമണ്.

എം എ യൂസുഫലി ആണ് ഫോബ്സ് മാ​ഗസിന്റെ പട്ടികയിലിടം നേടിയ മലയാളികളിൽ ഒന്നാമത്. 540 കോടി ഡോളർ ആണ് യൂസുഫലിയുടെ ആസ്തി. യൂസുഫലിയുൾപ്പെടെ നാല് മലയാളികൾ പട്ടികയിൽ ഇടം പിടിച്ചു. ഇന്ത്യയിൽ 35-ാം സ്ഥാനത്താണ് യൂസുഫലി.

എംജി ജോർജ് മൂത്തൂറ്റ്​, ബൈജു രവീന്ദ്രൻ, ജോയ്​ ആലുക്കാസ്, എസ്​ ഗോപാലകൃഷ്ണൻ എന്നിവരാണ് പട്ടികയിലിടം നേടിയ മറ്റ് മലയാളികൾ. എംജി ജോർജിന്റെ ആസ്തി 400 കോടി ഡോളർ ആണ്. ബൈജു രവീന്ദ്രന് 360 കോടി ഡോളർ, ജോയ്​ ആലുക്കാസിന് 310 കോടി ഡോളർ, എസ്​ ഗോപാലകൃഷ്ണന് 305 കോടി ഡോളർ എന്നിങ്ങനെയാണ് ആസ്തി.

STORY HIGHLIGHTS: Forbes magazine list Adani overtakes Ambani MA Yusufali first in Kerala

Next Story