Get the latest news at
your fingertips!
Download our app now
LIVE TV
Search
ഇനിമുതല് എയര്പോര്ട്ട് ലോഞ്ചില് പ്രവേശിക്കുമ്പോള് ഡൈബിറ്റ് കാര്ഡ് കാണിക്കേണ്ടതില്ല.പകരം ക്രെഡിറ്റ് വൗച്ചര് കാണിച്ചാല് മതിയാകും. ആ മാറ്റങ്ങള് എങ്ങനെയാണെന്നല്ലേ. എച്ച്ഡിഎഫ്സി ബാങ്കാണ് ഡെബിറ്റ് കാര്ഡ് ഉപഭോക്താക്കള്ക്ക് സൗജന്യ എയര്പോര്ട്ട് ലോഞ്ച് ആക്സസ് ലഭിക്കുന്നതിനുള്ള ചെലവ് മാനദണ്ഡങ്ങളില് 2026 ജനുവരി 10 മുതല് മാറ്റം വരുത്തുന്നത്. നിലവില് മൂന്ന്മാസത്തില് 5,000 രൂപ ചെലവഴിക്കുന്ന എച്ച്ഡിഎഫ്സി ഡെബിറ്റ് കാര്ഡ് ഉടമകള്ക്ക് അവരുടെ ഡെബിറ്റ് കാര്ഡ് ഉപയോഗിച്ച് ചെയ്ത് ലോഞ്ചുകള് ആക്സസ് ചെയ്യാന് സാധിക്കും. 2026 ജനുവരി 10 മുതല്, ഈ പ്രക്രിയ ഡിജിറ്റല് വൗച്ചര് സിസ്റ്റത്തിലേക്ക് മാറും. മൂന്ന് മാസത്തിലൊരിക്കല് 10,000 രൂപയോ അതില് കൂടുതലോ ചെലവഴിക്കുന്ന ഉപയോക്താക്കള്ക്ക് രണ്ട് പ്രവൃത്തി ദിവസങ്ങള്ക്കുള്ളില് അവരുടെ ലോഞ്ച് ആക്സസ് വൗച്ചര് ക്ലെയിം ചെയ്യുന്നതിനുള്ള ലിങ്ക് അടങ്ങിയ ഒരു മെസേജ് അല്ലെങ്കില് ഇമെയില് ലഭിക്കുമെന്ന് HDFC ബാങ്ക് പറയുന്നു. ക്ലെയിം ചെയ്യുമ്പോള് നിങ്ങള് രജിസ്റ്റര് ചെയ്ത മൊബൈല് നമ്പറിലേക്കും ഇമെയിലിലേക്കും 12അല്ലെങ്കില്18 അക്ക വൗച്ചര് കോഡ് അയയ്ക്കും.
നിലവില് മൂന്ന് മാസത്തേക്ക് 5,000 രൂപ മുടക്കുന്ന ആളുകള്ക്ക് തുടര്ന്നുള്ള ഘട്ടത്തില് ലോഞ്ച് ആനുകൂല്യങ്ങള്ക്ക് അര്ഹത ലഭിക്കും. എയര്പോര്ട്ട് ലോഞ്ചില് ഡെബിറ്റ് കാര്ഡ് സൈ്വപ്പ് ചെയ്താല് മതിയാകും.
Content Highlights :The spending criteria for HDFC Bank debit card customers to get free airport lounge access are changing from January 10, 2026.
