Get the latest news at
your fingertips!
Download our app now
LIVE TV
Search
തലകറങ്ങുമ്പോള്, ക്ഷീണം തോന്നുമ്പോള്, ഹൃദയമിടിപ്പ് കൂടുമ്പോള്, തലവേദനയുണ്ടാകുമ്പോഴൊക്കെ പലരും പറയുന്ന കാര്യമാണ്, പ്രഷറ് കുറഞ്ഞെന്ന് തോന്നുന്നു, അല്ലെങ്കില് പ്രഷറ് കൂടിയെന്ന് തോന്നുന്നു. ഒന്ന് ബിപി നോക്കിക്കളയാം എന്ന് അല്ലേ? . ഇന്നത്തെകാലത്ത് രക്തസമ്മര്ദ്ദവും പ്രമേഹവുമൊക്കെ പരിശോധിക്കാന് ഇടയ്ക്കിടെ പുറത്തുപോകേണ്ട കാര്യമില്ല. വീട്ടില്ത്തന്നെ അതിനുള്ള ഉപകരണങ്ങള് ഉള്ളതുകൊണ്ട് ഈസിയായി ആര്ക്കുവേണമെങ്കിലും പരിശോധിക്കാവുന്നതേയുള്ളൂ. എന്നാല് ഇടയ്ക്കിടയ്ക്ക് രക്തസമ്മര്ദ്ദം പരിശോധിക്കുന്നത് ആരോഗ്യത്തിന് ദോഷം ചെയ്യുമോ? അങ്ങനെ ഇടയ്ക്കിടയ്ക്ക് രക്തസമ്മര്ദ്ദം പരിശോധിക്കേണ്ടതുണ്ടോ?.
മിക്ക ആരോഗ്യ പരിശോധനകളുടെയും പതിവ് ഭാഗമാണ് രക്തസമ്മര്ദ്ദ പരിശോധന. ഒരാളുടെ രക്തസമ്മര്ദ്ദം എത്രതവണ പരിശോധിക്കണം എന്നുള്ളത് അയാളുടെ പ്രായത്തെയും മൊത്തത്തിലുള്ള ആരോഗ്യത്തെയും ആശ്രയിച്ചിരിക്കുന്നു. എന്നാല് ശരീരത്തില് എന്തെങ്കിലും വ്യത്യാസം ഉണ്ടാകുമ്പോള് ഒരു ദിവസം പലതവണ പ്രഷര് പരിശോധിച്ചേക്കാം എന്ന് കരുതുന്നവര് അറിയേണ്ട ചില കാര്യങ്ങളുണ്ട്. ആരോഗ്യവിദഗ്ധന്റെ നിര്ദ്ദേശമില്ലാതെ ഇടയ്ക്കിടയ്ക്ക് രക്തസമ്മര്ദ്ദം പരിശോധിക്കുന്നതില് അപകടമുണ്ട്. കാരണം ഉപകരണങ്ങള് എപ്പോഴും ശരിയായ കണക്ക് നല്കണമെന്നില്ല. തെറ്റായ ഫലങ്ങളും നല്കിയേക്കാം. മെഷീനുകളുടെ തകരാറ്, കൈകളുടെ തെറ്റായ സ്ഥാനം തുടങ്ങി പരിശോധനയിലൂടെയുണ്ടാകുന്ന ചെറിയ തെറ്റുകള് പോലും കണക്കുകളെ ബാധിച്ചേക്കാം.
രക്ത സമ്മര്ദ്ദ പരിശോധനകള് നടത്തുന്നതിന് പ്രത്യേക തയ്യാറെടുപ്പുകള് ആവശ്യമില്ല. എങ്കിലും ഇനി പറയുന്ന കാര്യങ്ങള് ശ്രദ്ധിക്കുന്നത് കൃത്യമായ കണക്ക് ലഭിക്കാന് സഹായിക്കും.
Content Highlights :Does constantly checking blood pressure put your health at risk?
