രാജ്യസഭാ സീറ്റ് വേണം; സോണിയയെ കാണാനൊരുങ്ങി കെവി തോമസ്

ഡൽഹി: രാജ്യസഭാ സീറ്റിനായി സമ്മർദം ശക്തമാക്കി കോൺ​ഗ്രസ് നേതാവ് കെവി തോമസ്. എഐസിസി ആസ്ഥാനത്തെത്തി താരീഖ് അൻവറുമായി കൂടിക്കാഴ്ച നടത്തി. ഒരു പദവിക്കും ആരും അയോ​ഗ്യരല്ല. താരീഖ് അൻവറുമായി സൗഹാർദപരമായ കൂടിക്കാഴ്ച്ചയാണ് നടന്നത്. രാജ്യസഭാ സീറ്റ് സംബന്ധിച്ച് കെപിസിസി നേതൃത്വത്തോട് ചോദിക്കണമെന്നും കെവി തോമസ് പറഞ്ഞു.

വരും ദിവസങ്ങളിൽ കോൺ​ഗ്രസ് അധ്യക്ഷ സോണിയ ​ഗാന്ധിയുമായും ഇതു സംബന്ധിച്ച് കെവി തോമസ് കൂടിക്കാഴ്ച്ച നടത്തുമെന്നാണ് പുറത്തുവരുന്ന റിപ്പോർട്ട്. എകെ ആന്റണി രാജ്യസഭയിലേക്കില്ലെന്ന് പ്രഖ്യാപിച്ചതോടെ നേരത്തെ തന്നെ കെവി തോമസ് തന്റെ ആ​ഗ്രഹം പ്രകടിപ്പിച്ചിരുന്നു. എന്നാൽ രാജ്യസഭാ സീറ്റ് ആർക്ക് നൽകണമെന്ന കാര്യത്തിൽ കോൺ​ഗ്രസിനകത്ത് ഇതുവരെ ധാരണയായിട്ടില്ല. മുതിർന്ന നേതാക്കളായ മുല്ലപ്പളളി രാമചന്ദ്രനും ചെറിയാൻ ഫിലിപ്പും രാജ്യസഭാ സീറ്റിലേക്ക് പരി​ഗണിക്കപ്പെട്ടേക്കാം എന്ന അഭ്യൂഹങ്ങളുമുണ്ട്.

STORY HIGHLIGHTS: Wants Rajya Sabha Seat; KV Thomas Gets Ready to Meet Sonia