Get the latest news at
your fingertips!
Download our app now
LIVE TV
Search
കൊച്ചി: എയര് ഇന്ത്യ എക്സ്പ്രസില് സര്വ്വീസ് പ്രതിസന്ധി തുടരുന്നു. കണ്ണൂര്, നെടുമ്പാശ്ശേരി എയര്പോര്ട്ടില് നിന്നുള്ള എയര് ഇന്ത്യയുടെ വിമാന സര്വ്വീസുകള് ഇന്നും മുടങ്ങും. കണ്ണൂരില് നിന്നും എട്ട് സര്വ്വീസുകളും കൊച്ചിയില് നിന്ന് അഞ്ച് സര്വ്വീസുകളുമാണ് റദ്ദാക്കിയത്. കൂട്ട അവധിയെടുത്ത ജീവനക്കാര് തിരികെയെത്താത്തതാണ് സര്വ്വീസ് മുടങ്ങാന് കാരണം.
കണ്ണൂരില് നിന്നും പുറപ്പെടേണ്ടിയിരുന്ന ഷാര്ജ, ദുബായ്, ദമാം, റിയാദ്, അബുദാബി, റാസല് ഖൈമ, മസ്കറ്റ്, ദോഹ സര്വ്വീസുകളും കൊച്ചിയില് നിന്നുള്ള ദമാം, മസ്കറ്റ്, ബെംഗളൂരു, കൊല്ക്കത്ത, ഹൈദരാബാദ് സര്വ്വീസുകളുമാണ് റദ്ദാക്കിയത്. അതേസമയം തിരുവനന്തപുരത്ത് നിന്നും എയര് ഇന്ത്യ എക്സ്പ്രസ് വിമാനം പുറപ്പെട്ടു. 1.10 നുള്ള അബുദാബി വിമാനമാണ് പുറപ്പെട്ടത്. കണ്ണൂരില് നിന്നും വൈകിട്ട് പുറപ്പെടേണ്ട ഷാര്ജ, ദുബായ് വിമാനങ്ങളും സര്വ്വീസ് നടത്തുമെന്നാണ് വിവരം.
എയര് ഇന്ത്യ ജീവനക്കാര് കൂട്ട അവധിയെടുത്തതോടെ നിരവധി ആഭ്യന്തര-അന്താരാഷ്ട്ര സര്വീസുകളാണ് കഴിഞ്ഞ ദിവസം മുതല് റദ്ദാക്കിയത്. അപ്രതീക്ഷിതമായി സര്വീസുകള് റദ്ദാക്കിയതുമൂലം നൂറുകണക്കിന് യാത്രക്കാരാണ് ദുരിതത്തിലായത്. ഫ്ളൈറ്റ് റദ്ദാക്കിയതില് യാത്രക്കാര്ക്കുണ്ടായ അസൗകര്യത്തില് എയര് ഇന്ത്യ ക്ഷമ ചോദിച്ചിരുന്നു. ജീവനക്കാരുടെ സമരം നിയമവിരുദ്ധമാണെന്ന് എയര് ഇന്ത്യ എക്സ്പ്രസ് പ്രതികരിച്ചു.
