LIVE TV
അബുദാബി ബിഗ് ടിക്കറ്റ് നറുക്കെടുപ്പിൽ 25 മില്യൺ (2.5 കോടി രൂപ) ദിർഹത്തിന്റെ ഗ്രാന്റ് പ്രൈസ് സ്വന്തമാക്കി ഇന്ത്യൻ പ്രവാസി. ദുബായിൽ താമസിക്കുന്ന ഇന്ത്യൻ സ്വദേശി അബ്ദുൾ റഷീദ് അബ്ദുവിനാണ് ഈ ഭാഗ്യം കൈവന്നത്. കഴിഞ്ഞ 15 വർഷമായി യുഎഇയിൽ ഡ്രൈവറായി ജോലി ചെയ്യുന്ന ആളാണ് അബ്ദുൾ റഷീദ്. നാല് വർഷമായി അബ്ദുൾ ബിഗ് ടിക്കറ്റ് നറുക്കെടുപ്പിൽ പങ്കെടുക്കുന്നുമുണ്ട്.
ബിഗ് ടിക്കറ്റ് വിജയം സ്വന്തമായെന്നറിഞ്ഞപ്പോൾ അത്ഭുതപ്പെട്ടുപോയെന്നാണ് അബ്ദുൾ റഷീദ് പറയുന്നത്. ബിഗ് ടിക്കറ്റ് അധികൃതരോട് "നിങ്ങൾ തമാശ പറയുകയല്ലല്ലോ? എത്ര ദശലക്ഷം?" തുടങ്ങിയ ചോദ്യങ്ങളും റഷീദ് ഉന്നയിച്ചു. തുടർന്ന് അവതാരകർക്ക് നന്ദി പറഞ്ഞ അദ്ദേഹം, ഈ സമ്മാനത്തുക തനിക്കൊപ്പം ടിക്കറ്റെടുത്ത 20 സുഹൃത്തുക്കളുമായി പങ്കുവെക്കുമെന്നും അറിയിച്ചു.
ഗ്രാന്റ് പ്രൈസ് കൂടാതെ അഞ്ച് പേർക്ക് ഒരു മില്യൺ ദിർഹവും സമ്മാനമായി ലഭിച്ചു. ഇവരെല്ലാം ഇന്ത്യൻ പ്രവാസികളാണെന്നതാണ് മറ്റൊരു പ്രത്യേകത.
Content Highlights: An Indian expatriate has won the grand prize in the Abu Dhabi Big Ticket draw for May. The win marks a life-changing moment, drawing attention from the expat community.
