LIVE TV
കുവൈത്തിലെ താമസക്കാര്ക്ക് പാസ്പോര്ട്ട് വിവരങ്ങള് പുതുക്കുന്ന നടപടി കൂടുതല് എളുപ്പമാക്കുന്നതിനായി പുതിയ ഡിജിറ്റല് സേവനത്തിന് തുടക്കം കുറിച്ച് ആഭ്യന്തര മന്ത്രാലയം. സര്ക്കാര് ഓണ്ലൈന് പ്ലാറ്റ്ഫോമായ സഹേല് ആപ്പ് വഴിയാണ് പുതിയ സേവനം ലഭ്യമാക്കുന്നത്. പുതിയ സംവിധാനം നിലവില് വന്നതോടെ പാസ്പോര്ട്ട് സംബന്ധമായ സേവനങ്ങള്ക്കായി ഓഫീസുകളെ നേരിട്ട് സമീപിക്കേണ്ട സാഹചര്യം ഒഴിവാക്കാനാകും.
പുതിയ പാസ്പോര്ട്ട് എടുത്തവര്ക്ക് അത് സംബന്ധിച്ച വിവരങ്ങള് താമസരേഖയില് അപ്ഡേറ്റ് ചെയ്യുന്ന പ്രക്രിയ ആപ്പ് വഴി ലളിതമായി പൂര്ത്തിയാക്കാം. സഹേല് ആപ്പിലെ 'മിനിസ്ട്രി ഓഫ് ഇന്റീരിയര്' സേവനങ്ങളുടെ പട്ടികയിലാണ് പുതിയ സേവനം ഉള്പ്പെടുത്തിയിരിക്കുന്നത്. താമസരേഖയുമായി ബന്ധപ്പെട്ട നടപടിക്രമങ്ങള് കൂടുതല് സുതാര്യവും വേഗതയുള്ളതുമാക്കാന് പുതിയ മാറ്റം സഹായിക്കുമെന്ന് ആഭ്യന്തര മന്ത്രാലയം വ്യക്തമാക്കി.
Content Highlights: Kuwait authorities have launched steps to make passport detail updates easier for residents. The new procedure is expected to reduce paperwork and waiting time at immigration offices. Residents can update passport information through streamlined or digital processes.
