പാരീസ്: ലാ ലീഗയില് കിരീടത്തോട് അടുത്ത് റയല് മാഡ്രിഡ്. സാന്റിയാഗോ ബെര്ണബ്യൂവില് നടന്ന മത്സരത്തില് കാഡിസിനെ ഏകപക്ഷീയമായ മൂന്ന് ഗോളിനാണ് റയല് മാഡ്രിഡ് തകര്ത്തത്. വിജയത്തോടെ റയലിന് 34 മത്സരങ്ങളില് നിന്ന് 87 പോയിന്റായി.
റയലിന്റെ തട്ടകത്തില് നടന്ന മത്സരത്തിന്റെ ആദ്യ പകുതി ഗോള് രഹിതമായിരുന്നു. എന്നാല് രണ്ടാം പകുതിയുടെ തുടക്കത്തില് തന്നെ ആതിഥേയര് ലീഡെടുത്തു. 51-ാം മിനിറ്റില് ബ്രാഹിം ഡയസാണ് റയലിന് വേണ്ടി ആദ്യ ഗോള് നേടിയത്.
68-ാം മിനിറ്റില് ജൂഡ് ബെല്ലിങ്ഹാമിലൂടെ റയല് മാഡ്രിഡ് സ്കോര് ഇരട്ടിയാക്കി. ബ്രാഹിം ഡയസിന്റെ അസിസ്റ്റിലായിരുന്നു രണ്ടാമത്തെ ഗോള്. ഇഞ്ച്വറി ടൈമില് ജോസെലു ഗോളടിച്ചതോടെ റയല് മൂന്ന് ഗോളുകളുടെ ആധികാരിക വിജയം ഉറപ്പിച്ചു.