കെഎസ്എഫ്ഡിസി നിര്മ്മിച്ച 'ചുരുള്' ട്രെയ്ലര് പുറത്ത്; ആഗസ്റ്റ് 30ന് തീയറ്ററുകളിലേക്ക്

കേരള സംസ്ഥാന ഫിലിം ഡെവലപ്മെന്റ് കോര്പ്പറേഷന്റെ (കെ.എസ്.എഫ്.ഡി.സി) എസ്.സി - എസ്.ടി വിഭാഗത്തിലെ സംവിധായകരുടെ സിനിമ പദ്ധതി പ്രകാരം നിര്മ്മിച്ച ആദ്യ ചിത്രമായ 'ചുരുള്' എന്ന സിനിമയുടെ ട്രെയ്ലര് പുറത്ത് വിട്ടു. ത്രില്ലര് സ്വഭാവത്തില് ഒരു ക്രൈം ഡ്രാമയാണ് ചിത്രമെന്നാണ് ട്രെയ്ലര് നല്കുന്ന സൂചന. തോട്ടം തൊഴിലാളികളും ജാതീയശ്രേണിയയില് താഴെ നില്ക്കുന്നവരും നേരിടുന്ന നീതിനിഷേധവും പൊലീസിലെ ജാതീയതയും ചിത്രത്തിലെ പ്രമേയങ്ങളാണെന്ന് അണിയറപ്രവര്ത്തകര് പറയുന്നുണ്ട്. ചിത്രം ആഗസ്റ്റ് 30 ന് തീയറ്ററുകളിലേക്കെത്തും.

നവാഗതനായ അരുണ് ജെ മോഹന് സംവിധാനം ചെയ്യുന്ന ചിത്രത്തില് പ്രമോദ് വെളിയനാട്, രാഹുല് രാജഗോപാല്, രാജേഷ് ശര്മ്മ എന്നിവരാണ് പ്രധാന വേഷങ്ങളില് എത്തുന്നത്.

ഗോപന് മങ്ങാട്ട്, കലാഭവന് ജിന്റോ, ഡാവിഞ്ചി, സോനാ അബ്രഹാം, ബാലു ശ്രീധര്, അഖില നാഥ്, സതീഷ് കെ കുന്നത്ത്, അസീം ഇബ്രാഹിം, സിറില്, അജേഷ് സി കെ, എബി ജോണ്, അനില് പെരുമ്പളം, സിജുരാജ്, സായി ദാസ്, സേതുനാഥ്, നീതു ഷിബു മുപ്പത്തടം എന്നിവരാണ് സിനിമയിലെ മറ്റു പ്രധാന വേഷങ്ങളില് എത്തുന്നത്.

പ്രവീണ് ചക്രപാണി ഛായഗ്രഹണം നിര്വ്വഹിക്കുന്ന ചിത്രത്തിന്റെ എഡിറ്റിംഗ് ഡേവിസ് മാനുവല് ആണ്. ആഷിക് മിറാഷിന്റെ വരികള്ക്ക് സംഗീതം നല്കിയിരിക്കുന്നത് മധു പോള്. കോ റൈറ്റേഴ്സ്: അനന്തു സുരേഷ്, ആഷിക് മിറാഷ്.

'വാഴയിലേക്ക് ഹാഷിർ എത്തിയത് ആശങ്കയോടെ': ഷൂട്ടിങ് അനുഭവം പങ്കുവെച്ച് സംവിധായകൻ ആനന്ദ് മേനൻ

ലൈന് പ്രൊഡ്യൂസര്: അരോമ മോഹന്. മേക്കപ്പ്: രതീഷ് വിജയന്. വസ്ത്രാലങ്കാരം: ഷിബു പരമേശ്വരന്. കലാസംവിധാനം: നിതീഷ് ചന്ദ്രന് ആചാര്യ. സ്റ്റണ്ട്: മാഫിയ ശശി. ഡി ഐ കളറിസ്റ്റ്: ബി യുഗേന്ദ്ര. സൗണ്ട് ഡിസൈന്: രാധാകൃഷ്ണന് എസ്, സതീഷ് ബാബു, ഷൈന് ബി ജോണ്. സൗണ്ട് മിക്സിങ്: അനൂപ് തിലക്. പ്രൊഡക്ഷന് കണ്ട്രോളര്: സുരേഷ് മിത്രാകരി. അസോസിയേറ്റ് ഡയറക്ടര്: സജീവ് ജി. അസിസ്റ്റന്റ് ഡയറക്ടേഴ്സ്: പ്രശോഭ് ദിവാകരന്, സൂര്യ ശങ്കര്. വിഷ്വല് എഫക്റ്റ്സ്: മഡ് ഹൗസ്. സ്റ്റില്സ്: സലീഷ് പെരിങ്ങോട്ടുകര. പരസ്യകല: കിഷോര് ബാബു. പി.ആര്.ഓ: റോജിന് കെ റോയ്. മാര്ക്കറ്റിംഗ്:ടാഗ്360