സ്‌പോട്ടിഫൈയിൽ 1000 കോടി സ്ട്രീമുകൾ നേടി ജങ്കൂക്ക്; നേട്ടത്തിലെത്തുന്ന ആദ്യ കെ-പോപ്പ് സോളോ ആർട്ടിസ്റ്റ്‌

ബിടിഎസ് ഗ്രൂപ്പിൻ്റെ തിരിച്ചുവരവിനുള്ള ഒരുക്കങ്ങൾ നടക്കുന്നതിനിടെയാണ് ജങ്കൂക്കിന്റെ ഈ നേട്ടം

സ്‌പോട്ടിഫൈയിൽ 1000 കോടി സ്ട്രീമുകൾ നേടി ജങ്കൂക്ക്; നേട്ടത്തിലെത്തുന്ന ആദ്യ കെ-പോപ്പ് സോളോ ആർട്ടിസ്റ്റ്‌
dot image

ലോകപ്രസിദ്ധ മ്യൂസിക് സ്ട്രീമിംഗ് പ്ലാറ്റ്‌ഫോമായ സ്പോട്ടിഫൈയിൽ 1000 കോടി സ്ട്രീമുകൾ നേടുന്ന ആദ്യ കെ-പോപ്പ് സോളോ ആർട്ടിസ്റ്റായി BTS-ലെ അംഗം ജങ്കൂക്ക് മാറി. ബിടിഎസ് ഗ്രൂപ്പിൻ്റെ തിരിച്ചുവരവിനുള്ള ഒരുക്കങ്ങൾ നടക്കുന്നതിനിടെയാണ് ജങ്കൂക്കിന്റെ ഈ നേട്ടം. നവംബർ 25-നാണ് 1000 കോടി സ്ട്രീമുകൾ നേടുന്ന ആദ്യ കെ-പോപ്പ് സോളോ ആർട്ടിസ്റ്റായി ജങ്കൂക്ക് മാറിയതെന്നാണ് ബിഗ്ഹിറ്റ് മ്യൂസിക് അറിയിച്ചിരിക്കുന്നത്.

JUNG KOOK
ജങ്കൂക്ക്

ജങ്കൂക്കിൻ്റെ ഈ നേട്ടങ്ങൾക്ക് പിന്നിൽ അദ്ദേഹത്തിന്റെ സോളോ ആൽബമായ 'ഗോൾഡൻ' ഉൾപ്പെടെയുള്ള ബ്ലോക്ക്ബസ്റ്റർ ഹിറ്റുകളാണ്. ഇതുകൂടാതെ 100 കോടിയിലധികം സ്ട്രീമുകൾ നേടിയ നാല് സോളോ ഗാനങ്ങൾ ഉള്ള ഏക കെ-പോപ്പ് സോളോ ആർട്ടിസ്റ്റ് എന്ന റെക്കോർഡും ജങ്കൂക്കിന് സ്വന്തമാണ്. 260 കോടിയിലധികം സ്ട്രീമുകളുമായി ജങ്കൂക്കിൻ്റെ ഏറ്റവും മുന്നിലുള്ള ഗാനമാണ് സെവൻ. സ്പോട്ടിഫൈയിൽ ഈ നേട്ടം കൈവരിക്കുന്ന ആദ്യ കെ-പോപ്പ് ട്രാക്ക് കൂടിയാണ് ഈ ​ഗാനം.

JUNG KOOK SEVEN, GOLDEN

ഗോൾഡൻ ആൽബത്തിലെ ടൈറ്റിൽ ട്രാക്കായ 'സ്റ്റാൻഡിംഗ് നെക്സ്റ്റ് ടു യൂ' 130 കോടിയിലധികം സ്ട്രീമുകൾ സ്പോട്ടിഫൈയിൽ നേടി. പോപ്പ് താരം ചാർലി പുത്തുമായി ഒന്നിച്ച് ചേർന്ന ഒരുക്കിയ ജങ്കൂക്കിന്റെ മറ്റൊരു ​ഗാനമാണ് 'ലെഫ്റ്റ് ആൻഡ് റൈറ്റ്'. ഈ ഗാനം 110 കോടിയിലധികം സ്ട്രീമുകൾ സ്വന്തമാക്കി. '3D'എന്ന ഗാനം ഈയിടെയാണ് 100 കോടി സ്ട്രീമുകളുടെ പട്ടികയിൽ ഇടം നേടിയത്.

Content Highlights: jungkook achieves historic 1000 crore spotify streams record

dot image
To advertise here,contact us
dot image