LIVE TV
ഓണക്കാലത്ത് തിയേറ്ററുകളിലെത്തി പ്രേക്ഷകമനസ്സുകള് കീഴടക്കി ഭാവന സ്റ്റുഡിയോസിന്റെ പുതിയ ചിത്രം 'ബെത്ലഹേം കുടുംബ യൂണിറ്റ്' ബോക്സ് ഓഫീസില് തരംഗമാകുന്നു. ആദ്യ മൂന്ന് ദിനങ്ങളില് തന്നെ 61.37 കോടി രൂപയുടെ വമ്പന് ആഗോള കളക്ഷനാണ് ചിത്രം സ്വന്തമാക്കിയത്. തുടര് വിജയങ്ങളുടെ ചരിത്രമുള്ള ഭാവന സ്റ്റുഡിയോസും ഗിരീഷ് എ.ഡിയും ഒന്നിച്ച ഈ രണ്ടാം ചിത്രം, നിവിന് പോളി -മമിത ബൈജു കൂട്ടുകെട്ടിന്റെ മനോഹരമായ കെമിസ്ട്രി കൊണ്ടാണ് പ്രേക്ഷകരുടെ വലിയ സ്വീകാര്യത നേടുന്നത്.
ഓണത്തിന് ഒരാഴ്ച മുമ്പ് റിലീസായ ചിത്രം ഓണം കഴിഞ്ഞാലും ഹൗസ്ഫുള് ഷോകളോടെ തിയേറ്ററുകളില് മുന്നേറുമെന്നുറപ്പായി കഴിഞ്ഞു. ടിക്കറ്റുകള് ലഭിക്കാത്ത രീതിയിലാണ് പല കേന്ദ്രങ്ങളിലും ജനത്തിരക്ക് അനുഭവപ്പെടുന്നത്. ജിസിസി ഉള്പ്പെടെയുള്ള അന്താരാഷ്ട്ര വിപണികളില് ഇതുവരെ ഒരു മലയാള സിനിമയ്ക്കും ലഭിക്കാത്ത ഉയര്ന്ന കളക്ഷനാണ് ചിത്രം നേടി മുന്നേറുന്നത്.
ബോക്സ് ഓഫീസില് സൃഷ്ടിച്ചിരിക്കുന്ന വന് ട്രെന്ഡ് കണക്കാക്കിയാല്, മലയാളത്തിലെ ഇതുവരെയുള്ള സകല കളക്ഷന് റെക്കോര്ഡുകളും ഇന്ഡസ്ട്രി ഹിറ്റുകളും ബെത്ലഹേം കുടുംബ യൂണിറ്റ് തിരുത്തിക്കുറിക്കുമെന്ന് ഉറപ്പായിക്കഴിഞ്ഞു. 100 കോടി ക്ലബ്ബിലേക്ക്: പ്രേമലുവിന് ശേഷം ഭാവന സ്റ്റുഡിയോസും ഗിരീഷ് എ.ഡിയും കൈകോര്ത്ത ഈ രണ്ടാം ചിത്രവും അതിവേഗം 100 കോടിക്ക് മുകളില് കളക്ഷന് നേടാന് ഒരുങ്ങുകയാണ്.
Content Highlights: 'Bethlehem Family Unit' heads towards becoming the biggest Onam hit in the history of Malayalam cinema.
