LIVE TV
കുടുംബ പ്രേക്ഷകരുടെ പ്രിയതാരം ബിജു മേനോന് നായകനാകുന്ന അവറാച്ചന് ആന്ഡ് സണ്സിലെ ആദ്യ ഗാനം റിലീസായി. തന്റെ ആലാപനം കൊണ്ട് ശ്രോതാക്കളുടെ ഹൃദയം കീഴടക്കുന്ന ഗായകന് സിദ് ശ്രീറാമും സെബാ ടോമിയുമാണ് ചുരുള് മുടി ചുരുളോ എന്ന ഗാനം ആലപിച്ചിരിക്കുന്നത്. സനല് ദേവ് ആണ് ചിത്രത്തിന്റെ സംഗീത സംവിധാനം നിര്വഹിച്ചിരിക്കുന്നത്. സുഹൈല് കോയ ആണ് ഗാനരചന. റിലീസായി മണിക്കൂറുകള്ക്കുള്ളില് ആസ്വാദകരുടെ ഹൃദയം കീഴടക്കുകയാണ് അവറാച്ചന് ആന്ഡ് സണ്സ് ചിത്രത്തിലെ ചുരുള് മുടി ചുരുളോ എന്ന ആദ്യ ഗാനം.
മാജിക് ഫ്രയിമ്സിന്റെ ബാനറില് ലിസ്റ്റിന് സ്റ്റീഫന് ആണ് അവറാച്ചന് ആന്ഡ് സണ്സ് ചിത്രം അവതരിപ്പിക്കുന്നത്. നവാഗതനായ തമ്പി ആണ് ചിത്രത്തിന്റെ സംവിധാനം നിര്വഹിക്കുന്നത്. നര്മ്മത്തില് ചാലിച്ച രസകരമായ ഈ ഫാമിലി ഡ്രാമ ചിത്രത്തിന്റെ തിരക്കഥ ഒരുക്കിയിരിക്കുന്നത് ജോസഫ് വിജീഷും തമ്പിയും ചേര്ന്നാണ്. കൗതുകമുണര്ത്തി ഫസ്റ്റ് ലുക്ക്, സെക്കന്റ് ലുക്ക് പോസ്റ്ററുകള്ക്കു പിന്നാലെ റിലീസായ അവറാച്ചന് ആന്ഡ് സണ്സിന്റെ ടീസര് സോഷ്യല് മീഡിയയില് തരംഗമായിരുന്നു.
ബിജുമേനോന് നായകനാകുന്ന ചിത്രത്തില് ശ്രീനാഥ് ഭാസി, ഗണപതി, വിനയ് ഫോര്ട്ട്, ജോണി ആന്റണി, ഗ്രെയ്സ് ആന്റണി, അഖില ഭാര്ഗവന്, പൗളി വത്സണ്, സാബുമോന്, കോട്ടയം നസീര്, വിനീത് തട്ടില്, സാജന് പള്ളുരുത്തി, ആഷിഖ് ഖാലിദ്, സുധി കോപ്പ, സജിന് ചെറുകയില്, ഷാജു ശ്രീധര്, നിഷാ സാരംഗ് എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
അവറാച്ചന് ആന്ഡ് സണ്സിന്റെ മറ്റു അണിയറപ്രവര്ത്തകര് ഇവരാണ്. സഹ നിര്മ്മാണം : ജസ്റ്റിന് സ്റ്റീഫന്, എക്സിക്യൂട്ടീവ് പ്രൊഡ്യൂസേഴ്സ് : സന്തോഷ് കൃഷ്ണന്, നവീന് പി തോമസ്, ഡി ഓ പി : സജിത് പുരുഷന്, എഡിറ്റിംഗ്: ആകാശ് ജോസഫ് വര്ഗീസ്, സംഗീത സംവിധാനം : സനല് ദേവ്, ലൈന് പ്രൊഡ്യൂസര് : അഖില് യെശോധരന്, ആര്ട്ട് ഡയറക്ടര് : അജി കുറ്റിയാനി, വസ്ത്രാലങ്കാരം : സ്റ്റെഫി സേവ്യര്, മേക്കപ്പ് : റഷീദ് അഹമ്മദ്, സൗണ്ട് ഡിസൈന് : ശങ്കരന് എ എസ്, കെ സി സിദ്ധാര്ത്ഥന്, സൗണ്ട് മിക്സിങ് : വിഷ്ണു സുജാതന്, പ്രൊഡക്ഷന് കണ്ട്രോളര് : ഡിക്സണ് പൊടുത്താസ്, ചീഫ് അസോസിയേറ്റ് ഡയറക്ടര് : ജിബിന് ജോണ്, ഫസ്റ്റ് അസ്സോസിയേറ്റ് ഡയറക്ടര് : ഓസ്റ്റിന് എബ്രഹാം, അഡ്മിനിസ്ട്രേഷന് ആന്ഡ് ഡിസ്ട്രിബൂഷന് ഹെഡ് : ബബിന് ബാബു, സ്റ്റില്സ് : ബിജിത് ധര്മടം, മാര്ക്കറ്റിംഗ് : സൗത്ത് ഫ്രെയിംസ് എന്റര്ടൈന്മെന്റ്, ഡിജിറ്റല് മാര്ക്കറ്റിംഗ് : ഒബ്സ്ക്യൂറ എന്റര്ടൈന്മെന്റ്, അഡ്വെര്ടൈസിങ് : ബ്രിങ് ഫോര്ത്ത്, വി എഫ് എക്സ് : പ്രോമിസ് സ്റ്റുഡിയോസ്, പബ്ലിസിറ്റി ഡിസൈന് : ടെന് പോയിന്റ്, പി ആര് ഓ : പ്രതീഷ് ശേഖര്.
Content Highlights: 'Churul Mudi Churulo', the beautiful first song from Avarachan and Sons, has been released. Sid Sriram and Seba Tomy have sung the track.
