LIVE TV
സത്യദേവിനെ നായകനാക്കി വെങ്കിടേഷ് മഹാ ഒരുക്കിയ 'റാവു ബഹാദൂര്' എന്ന ചിത്രത്തിന്റെ റിലീസ് തീയതി പുറത്ത്. 2026, ജൂണ് 5നാണു ചിത്രം ആഗോള റിലീസായി തീയേറ്ററുകളിലെത്തുക. ജിഎംബി എന്റര്ടൈന്മെന്റ് (മഹേഷ് ബാബു, നമ്രത ശിരോദ്കര്), എ പ്ലസ് എസ് മൂവീസ്, ശ്രീചക്രാസ് എന്റര്ടൈന്മെന്റ്സ് എന്നിവര് ചേര്ന്നാണ് ചിത്രം നിര്മ്മിക്കുന്നത്. സംവിധായകന് വെങ്കിടേഷ് മഹാ തന്നെ രചനയും നിര്വഹിച്ച ചിത്രത്തിന്റെ ഫസ്റ്റ് ലുക്ക് പോസ്റ്റര്, ടീസര് എന്നിവക്ക് വലിയ പ്രേക്ഷക ശ്രദ്ധയാണ് ലഭിച്ചത്. ഇപ്പൊള് റിലീസ് തീയതി പുറത്ത് വിട്ടു കൊണ്ടുള്ള പോസ്റ്ററിലെ സത്യദേവിന്റെ രാജകീയമായ രൂപവും പ്രേക്ഷകരില് വളരെയധികം കൗതുകം സൃഷ്ടിക്കുകയും സോഷ്യല് മീഡിയയില് ചര്ച്ചയാവുകയും ചെയ്യുന്നുണ്ട്.
ഓ സുന്ദരി എന്ന വരികളോടെ പുറത്ത് വന്ന ചിത്രത്തിലെ ആദ്യ ഗാനവും സൂപ്പര് ഹിറ്റായി മാറിയിരുന്നു. പിരിയഡ് കാന്വാസില് ഒരുക്കിയ ഈ ഗാനത്തില് സത്യദേവും ദീപ തോമസുമാണ് അഭിനയിച്ചിരിക്കുന്നത്. ഈ റൊമാന്റിക് ട്രാക്ക് ഒരു പഴയ കാലഘട്ടം മനോഹരമായി ചിത്രീകരിക്കുന്നു. ആ കാലഘട്ടത്തിന്റെ പശ്ചാത്തലവും ദൃശ്യ സമ്പന്നതയും കൊണ്ട് ഈ ഗാനം ചിത്രത്തിന്റെ ആകര്ഷണം വര്ദ്ധിപ്പിക്കുന്നു.
ഒന്നിലധികം ഗെറ്റപ്പുകളിലുള്ള സത്യദേവിന്റെ പരിവര്ത്തനവും ശരീരഭാഷയുമാണ് ചിത്രത്തിന്റെ മറ്റൊരു ഹൈലൈറ്റ്. അതിശയകരമായ അഭിനയത്തിന് പേരുകേട്ട സത്യദേവിന് തന്റെ കഴിവുകള് പ്രകടിപ്പിക്കാന് സഹായിക്കുന്ന ഒരു കഥാപാത്രമാണ് ഈ ചിത്രത്തിലൂടെ ലഭിച്ചിരിക്കുന്നത്. ഒരു പീരിയഡ് സിനിമയായി ഒരുക്കിയ 'റാവു ബഹാദൂര്', അതിന്റെ ദൃശ്യങ്ങള്, വിശദാംശങ്ങള്, കഥപറച്ചില് എന്നിവയുമായി പ്രേക്ഷകരെ കഴിഞ്ഞകാലത്തിലേക്കു കൂട്ടികൊണ്ട് പോകുന്നതിനൊപ്പം ഒരു വലിയ ദൃശ്യവിരുന്നു തന്നെയാണ് സമ്മാനിക്കാന് ഒരുങ്ങുന്നത്.
ചരിത്രവും സംസ്കാരവും മനുഷ്യന്റെ ആഴവും സമന്വയിപ്പിക്കുന്ന ഒരു പ്രധാനപ്പെട്ട സൈക്കോളജിക്കല് ഡ്രാമ ആയാണ് 'റാവു ബഹാദൂര്' ഒരുക്കിയിരിക്കുന്നത്. സാര്വത്രിക ആകര്ഷണത്തോടെ ആഗോള പ്രേക്ഷകര്ക്കായാണ് ഈ തെലുങ്ക് ചിത്രം ഒരുക്കിയിരിക്കുന്നത്. ഉയര്ന്ന നിര്മ്മാണ മൂല്യങ്ങള്, അത്യാധുനിക സാങ്കേതിക നിലവാരം, ആഗോള ആകര്ഷണം എന്നിവ വാഗ്ദാനം ചെയ്യുന്ന വമ്പന് ബജറ്റിലാണ് ചിത്രം ഒരുക്കുന്നത്.
പാന്-ഇന്ത്യന് ബ്ലോക്ക്ബസ്റ്റര് ആയ 'മേജര്' എന്ന ചിത്രത്തിന് ശേഷം, ഈ ചിത്രം ജിഎംബി എന്റര്ടൈന്മെന്റിന്റെ നിര്മ്മാണത്തിലേക്കുള്ള തിരിച്ചുവരവിനെ അടയാളപ്പെടുത്തുന്നു. വികാസ് മുപ്പാല, ദീപ തോമസ്, ബാല പരാശര്, ആനന്ദ് ഭാരതി, പ്രണയ് വാക, മാസ്റ്റര് കിരണ് എന്നിവരാണ് ചിത്രത്തിലെ മറ്റു താരങ്ങള്.
രചന, സംവിധാനം, എഡിറ്റര്- വെങ്കിടേഷ് മഹാ, അവതരണം- മഹേഷ് ബാബു, നമ്രത ശിരോദ്കര്, ജിഎംബി എന്റര്ടെയ്ന്മെന്റ്, നിര്മ്മാതാക്കള്- ചിന്ത ഗോപാലകൃഷ്ണ റെഡ്ഡി, അനുരാഗ് റെഡ്ഡി, ശരത്ചന്ദ്ര, പ്രൊഡക്ഷന് ബാനറുകള്- എ പ്ലസ് എസ് മൂവീസ്, ശ്രീചക്രാസ് എന്റര്ടൈന്മെന്റ്സ്, എക്സിക്യൂട്ടീവ് പ്രൊഡ്യൂസര്- ദിനേശ് യാദവ് ബി, ഛായാഗ്രഹണം- കാര്ത്തിക് പര്മാര്, സംഗീതം- സ്മരന് സായ്, പ്രൊഡക്ഷന് ഡിസൈനര്- രോഹന് സിംഗ്, പബ്ലിസിറ്റി ഡിസൈന്സ്- യെല്ലോ ടൂത്ത്സ്, മാര്ക്കറ്റിംഗ്- ഫസ്റ്റ് ഷോ, പിആര്ഒ- ശബരി.
Content Highlights: Satyadev-Venkatesh's blockbuster 'Rao Bahadur' to release globally on June 5 2026
