സാഹചര്യങ്ങൾ മനസിലാക്കണം; നിലപാട് വ്യക്തമാക്കി രോഹിത് ശർമ്മ

മനസ് തുറന്ന് കാര്യങ്ങൾ കാണാൻ തയ്യാറവണമെന്നും ഇന്ത്യൻ ക്യാപ്റ്റൻ
സാഹചര്യങ്ങൾ മനസിലാക്കണം; നിലപാട് വ്യക്തമാക്കി രോഹിത് ശർമ്മ

ആന്റി​ഗ്വ: ഇന്ത്യൻ പേസർ അർഷ്ദീപ് സിം​ഗിനെതിരെ പാകിസ്താൻ മുൻ താരങ്ങളുടെ ആരോപണങ്ങളെ പ്രതിരോധിച്ച് രോഹിത് ശർമ്മ. പന്തിൽ റിവേഴ്സ് സ്വിം​ഗ് ലഭിക്കാനായി അർഷ്ദീപ് കൃത്രിമത്വം നടത്തിയെന്നായിരുന്നു പാക് മുൻ താരങ്ങളായ ഇൻസമാം ഉൾ ഹഖിന്റെയും സലീം മാലിക്കിന്റെയും ആരോപണം. എന്നാൽ പിച്ചിലെ സാഹചര്യങ്ങൾ മനസിലാക്കി സംസാരിക്കണമെന്നായിരുന്നു രോഹിത് ശർമ്മ ആരോപണങ്ങളോട് പ്രതികരിച്ചത്.

വെയിലുള്ള സാഹചര്യത്തിൽ വിക്കറ്റ് വരണ്ടതായിരിക്കും. എല്ലാ ടീമുകൾക്കും റിവേഴ്സ് സ്വിം​ഗ് ലഭിക്കുന്നുണ്ട്. പിച്ചിലെ സാഹചര്യങ്ങൾ മനസിലാക്കണം. ഒപ്പം മനസ് തുറന്ന് കാര്യങ്ങൾ കാണാൻ തയ്യാറാവണം. ഇപ്പോൾ കളിക്കുന്നത് ഓസ്ട്രേലിയയിലോ ഇം​ഗ്ലണ്ടിലോ അല്ല. ഇതാണ് ആരോപണത്തിൽ തനിക്ക് പറയാനുള്ളതെന്നും ഇന്ത്യൻ ക്യാപ്റ്റൻ വ്യക്തമാക്കി.

സാഹചര്യങ്ങൾ മനസിലാക്കണം; നിലപാട് വ്യക്തമാക്കി രോഹിത് ശർമ്മ
ഏകപക്ഷീയമായി പെരുമാറരുത്; ഐസിസിക്കെതിരെ അഫ്ഗാന്‍ പരിശീലകന്‍

മത്സരത്തിന്റെ 15-ാം ഓവറിൽ അർഷ്ദീപിന് എങ്ങനെ റിവേഴ്സ് സ്വിം​ഗ് എറിയാൻ കഴിയുന്നുവെന്നായിരുന്നു പാക് മുൻ താരങ്ങളുടെ ചോദ്യം. 12, 13 ഓവറുകളിൽ എപ്പഴോ പന്തിൽ കൃത്രിമത്വം നടന്നു. ഇതുപോലൊരു സംഭവം പാകിസ്താൻ ക്രിക്കറ്റിലാണ് നടക്കുന്നതെങ്കിൽ ഒരുപാട് ചർച്ചകൾ ഉണ്ടാകുമായിരുന്നു. അമ്പയർമാർ കൂടുതൽ ജാ​ഗ്രത പുലർത്തണമെന്നും ഇൻസമാം ഉൾ ഹഖ് പ്രതികരിച്ചു.

Related Stories

No stories found.
logo
Reporter Live
www.reporterlive.com