'സർപാട്ട പരമ്പരൈ' എന്ന ചിത്രത്തിലെ മറിയാമ്മയെ ഗംഭീരമായി അവതരിപ്പിച്ച് ശ്രദ്ധേയയായ നടി ദുഷാര വിജയൻ വിക്രം ചിത്രത്തില്‍ നായികയാവും. ചിയാൻ 62-ലാണ് ദുഷാര വിജയൻ എത്തുന്നത്. എസ് യു അരുൺ കുമാർ സംവിധാനത്തിലൊരുങ്ങുന്ന ചിത്രത്തില്‍ എസ് ജെ സൂര്യ, സുരാജ് വെഞ്ഞാറമൂട് തുടങ്ങി മറ്റ് താരങ്ങളും പ്രധാന വേഷത്തിലെത്തുന്നുണ്ട്.
ദുഷാര വിജയന്‍ സിനിമയിൽ നിര്‍ണായക കഥാപാത്രമായാണ് എത്തുന്നത്. തേനി ഈശ്വറാണ് ചിയന്‍ 62-ന്റെ ഛായാഗ്രഹണം നിര്‍വഹിക്കുന്നത്. ജി വി പ്രകാശ് സംഗീതവും ഒരുക്കുന്നു. എച്ച് ആർ പിക്‌ചേഴ്‌സിന്റെ ബാനറിൽ റിയ ഷിബുവാണ് ചിയാന്‍ 62 എന്ന് താത്കാലികമായി പേരിട്ടിരിക്കുന്ന ചിത്രത്തിന്റെ നിർമ്മാതാവ്.
എസ് യു അരുൺ കുമാർ സംവിധാനം ചെയ്യുന്ന ഈ പ്രൊജക്ടിനായി ആകാംക്ഷയിലാണ് ആരാധകര്‍. ചിത്രത്തിന്റെ ഷൂട്ടിംഗ് ഏപ്രിൽ 21ന് മധുരയിൽ ആരംഭിക്കും. പി ആർ ഓ പ്രതീഷ് ശേഖർ.
