LIVE TV
ഇന്സ്റ്റഗ്രാമില് ഇപ്പോള് വൈറലാവുന്നത് ദീപക് സാമല് എന്ന വ്ളോഗര് പങ്കുവച്ചൊരു വീഡിയോയാണ്. വിദേശ യാത്ര പോയാല് പിന്നെ ഇന്ത്യയിലേക്ക് തിരികെ വരാന് ആര്ക്കും തോന്നില്ലെന്നാണ് ദീപകിന്റെ അഭിപ്രായം. വീഡിയോയില് ദീപക് ഇന്ത്യയെ തരംതാഴ്ത്തി സംസാരിച്ചു എന്നാണ് പലരും വിമര്ശനം ഉന്നയിക്കുന്നത്. എന്നാല് ദീപക് തന്റെ അഭിപ്രായം മാത്രമാണ് പങ്കുവെച്ചതെന്നാണ് ചിലര് ചൂണ്ടിക്കാണിക്കുന്നത്.
നിരവധി ഇന്ത്യക്കാര്ക്ക് ചിലപ്പോള് അവരുടെ ആദ്യ വിദേശയാത്രയ്ക്ക് ശേഷം ഇങ്ങനെ തോന്നിയിട്ടുണ്ടാവാം, അതിന് പിന്നില് ചില കാരണങ്ങളും ഉണ്ട് എന്നാണ് വീഡിയോയ്ക്ക് ക്യാപ്ഷനായി ദീപക് നല്കിയിരിക്കുന്നത്. പ്രതീക്ഷയും യാഥാര്ത്ഥ്യവും എന്ന് സൂചിപ്പിച്ചു കൊണ്ട് ചില കാര്യങ്ങളും ദീപക് നീണ്ട പോസ്റ്റില് കുറിച്ചിട്ടുണ്ട്. ഇന്ത്യയിലെ ട്രാഫിക്ക് ജാമുകളും സ്കാമുകളും എത്രയോ വലുതാണ് എന്ന് മറ്റ് രാജ്യങ്ങളുമായി താരതമ്യം ചെയ്യുമ്പോഴാണ് മനസിലാവുക. അവരുടെ കൃത്യനിഷ്ഠയും പ്രധാനമാണ്.
അഴിമതിയും പൂഴ്ത്തിവയ്പ്പുമില്ല, മാത്രമല്ല ശുചിത്വ പ്രശ്നവും അടിസ്ഥാന സൗകര്യങ്ങളും പോലെ
ഇന്ത്യയിലേത് പോലയേ അല്ല എന്നാണ് വ്ളോഗറുടെ അഭിപ്രായം. വിദേശയാത്രയ്ക്ക് മുമ്പ് നിങ്ങള്ക്ക് ഇതെല്ലാം സാധാരണ കാര്യമായിരിക്കും. എന്നാല് പുറം നാടുകളിലെ സൗകര്യങ്ങള് അനുഭവിച്ചാല്
സ്വന്തം നാട്ടിലെ പോരായ്മകളെ കുറിച്ച് ചിന്തിച്ച് പോകും. എന്നിരുന്നാലും ഇന്ത്യയിലെ വൈവിധ്യ പൂര്ണമായ സംസ്കാരം എങ്ങുമുണ്ടാകില്ലെന്നും ഇയാള് പറയുന്നുണ്ട്.
പക്ഷേ ദീപക്കിന്റെ അഭിപ്രായങ്ങളില് പ്രകോപിതരായിരിക്കുകയാണ് ഒരു വിഭാഗം. ഇന്ത്യയെ മനസിലാക്കുന്നവര്ക്ക് ഇന്ത്യ വളരെ മികച്ചതാണെന്നും കുറ്റം മാത്രം പറഞ്ഞിരിക്കാതെ ഇതൊക്ക പരിഹരിക്കാന് എന്ത് ചെയ്യാന് കഴിയുമെന്ന് നോക്ക് എന്നെല്ലാം കമന്റ് നിറയുകയാണ്. ദീപക്കിനെതിരെ അധിക്ഷേപകരമായ പരാമര്ശങ്ങളും ചിലര് നടത്തുന്നുണ്ട്. അതേസമയം, ചിലര് മാന്യമായ രീതിയില് വിമര്ശനങ്ങള് ഉന്നയിക്കുന്നുണ്ട്. വിയറ്റ്നാമില് പോയാല് തെരുവുകളെല്ലാം വൃത്തിയുള്ളതാണ്. ഇതിന് പിന്നില് അവിടുത്തെ ജനങ്ങള് കൂടിയാണ് എന്നും നാടിന്റെ പുരോഗതിയില് ഉത്തരവാദിത്തമുള്ള പൗരന്മാര്ക്കും വലിയ പങ്കുണ്ടെന്നുമാണ് ചിലര് ചൂണ്ടിക്കാണിക്കുന്നത്.
Content Highlights: Indian Vlogger says about returning to India after a foriegn trip
