Get the latest news at
your fingertips!
Download our app now
LIVE TV
Search
മനുഷ്യശരീരം തന്നെ ഏകദേശം 60 ശതമാനം വെളളത്താല്‍ നിര്‍മ്മിതമാണ്. ഇത് ശരീരത്തിന്റെ പ്രവര്‍ത്തനത്തിന് ജലത്തിന് എത്രത്തോളം പ്രാധാന്യമുണ്ട് എന്നതിനെ എടുത്ത് കാട്ടുന്ന കാര്യമാണ്. വെള്ളമില്ലാതെ ഈ ഭൂമിയില്‍ ജീവിക്കുന്നതിനെക്കുറിച്ച് സങ്കല്‍പ്പിക്കാന്‍ പോലുമാവില്ല. ലോകത്തില്‍ ഏറ്റവും വിലകൂടിയ ഒരു കുപ്പിവെളളത്തെ കുറിച്ച് കേട്ടിട്ടുണ്ടോ? 'ഫിലിക്കോ ജ്വല്ലറി വാട്ടര്‍' എന്നാണ് ഈ കുപ്പിവെള്ളത്തിന്റെ പേര്.
റിപ്പോര്‍ട്ടുകള്‍ പ്രകാരം, ലോകത്തിലെ ഏറ്റവും വിലകൂടിയ കുപ്പിവെള്ളങ്ങളില്‍ ഒന്നാണിത്. ലിറ്ററിന് $1390 (അതായത് 1,16,000) ആണ് ഇതിന്റെ വില. ഈ വെളളത്തെ ഇത്രയധികം സവിശേഷമാക്കുന്നത് അതിന്റെ പരിശുദ്ധിയും അതി ഗംഭീരമായ പാക്കേജിംഗും ആണ്. ഈ കുപ്പികള്‍ Swarovski crystals ഉപയോഗിച്ചാണ് അലങ്കരിച്ചിരിക്കുന്നത്. അതുപോലെ ആഭരണങ്ങളുടെ ഡിസൈനുകളോട് സാമ്യമുള്ള രീതിയിലാണ് രൂപകല്‍പ്പന ചെയ്തിരിക്കുന്നത്. ഈ പ്രത്യേകതയൊക്കെയാണ് ഈ ബോട്ടിലിനെ ഒരു ആഡംബര വസ്തുവായും സ്റ്റാറ്റസ് ചിഹ്നമായിട്ടും മാറ്റിയത്.
ജപ്പാനിലെ കോബെയിലുളള പ്രകൃതിദത്തമായ ഒരു നീരുറവയില്‍ നിന്നാണ് ഈ ഈ വെളളം ലഭിക്കുന്നതെന്നാണ് റിപ്പോര്‍ട്ടുകള്‍. ഗുണനിലവാരത്തിന് പേരുകേട്ടതാണ് ഈ നീരുറവ. ഓരോ കുപ്പിയും കൈകൊണ്ട് വളരെ സൂക്ഷ്മമായിട്ടാണ് നിര്‍മ്മിച്ചിരിക്കുന്നത്. സ്വര്‍ണ അലങ്കാരങ്ങളും അതിമനോഹരമായ ഡിസൈനുകളും ഇതില്‍ ഉള്‍പ്പെടുന്നു. റിപ്പോര്‍ട്ടുകള്‍ പ്രകാരം ഫിലിക്കോ ജ്വലറി വാട്ടര്‍ ബോട്ടിലുകളില്‍ ജാപ്പനീസ് കരകൗശല വൈദഗ്ധ്യവും നൂതനമായ ഡിസൈനുകളും ഉള്‍പ്പെടുത്തിയിട്ടുണ്ട്.
ontent Highlights :The world's most expensive bottled water costs Rs 1,16,000 per liter
