Get the latest news at
your fingertips!
Download our app now
LIVE TV
Search
പാരിസ്: ഒളിംപിക്‌സ് ബാഡ്മിന്റണ്‍ പുരുഷവിഭാഗം ഡബിള്‍സില്‍ ഇന്ത്യയുടെ സാത്വിക് സായിരാജ്-ചിരാഗ് ഷെട്ടി സഖ്യം ക്വാര്‍ട്ടര്‍ ഫൈനലില്‍. സാത്വിക്-ചിരാഗ് സഖ്യത്തിന്റെ ഇന്നത്തെ മത്സരം റദ്ദാക്കിയിരുന്നു. എന്നാല്‍ മറ്റൊരു മത്സരത്തില്‍ ഫ്രഞ്ച് താരങ്ങളായ ലൂക്കാസ് കോര്‍വീ- റോനന്‍ ലാബര്‍ സഖ്യം ഇന്തോനേഷ്യയുടെ മുഹമ്മദ് റിയാന്‍ അര്‍ഡിയാന്റോ- ഫജാര്‍ അല്‍ഫിയാന്‍ സഖ്യത്തോട് പരാജയം വഴങ്ങിയതോടെ ഇന്ത്യന്‍ സഖ്യം ക്വാര്‍ട്ടറിലേക്ക് മുന്നേറുകയായിരുന്നു.
ഇതോടെ ഒളിംപിക്‌സ് ബാഡ്മിന്റണ്‍ ഡബിള്‍സില്‍ ചരിത്രം കുറിക്കാനും സഖ്യത്തിന് സാധിച്ചു. ഇതോടെ ബാഡ്മിന്റണില്‍ ഒളിംപിക്‌സ് ക്വാര്‍ട്ടറിലെത്തുന്ന ആദ്യ ജോഡികളായി മാറിയിരിക്കുകയാണ് സാത്വിക്- ചിരാഗ് സഖ്യം.
🇮🇳🚨 𝗚𝗿𝗲𝗮𝘁 𝗻𝗲𝘄𝘀 𝗳𝗼𝗿 𝗦𝗮𝘁𝘄𝗶𝗸 & 𝗖𝗵𝗶𝗿𝗮𝗴! Satwik & Chirag became the first doubles pair from India to advance to the quarter-finals in the Olympics, a monumental achievement for them.
— India at Paris 2024 Olympics (@sportwalkmedia) July 29, 2024
🏸 Following Corvee/Labar's loss against Rian/Fajar, the Indian duo were… pic.twitter.com/SdvKO8MryP
ഇന്ന് നടക്കേണ്ടിയിരുന്ന മത്സരത്തില്‍ ജര്‍മ്മനിയുടെ മാര്‍ക്ക് ലാംസ്ഫസ്- മര്‍വിന്‍ സിഡെല്‍ സഖ്യത്തെയായിരുന്നു ഇന്ത്യന്‍ ജോഡികളുടെ എതിരാളികള്‍. എന്നാല്‍ ലാംസ്ഫസിന്റെ കാല്‍മുട്ടിന് പരിക്കേറ്റതോടെ ജര്‍മ്മന്‍ സഖ്യം മത്സരത്തില്‍ നിന്ന് പിന്മാറുകയായിരുന്നു. ഇതോടെ ഇന്ത്യയുടെ മത്സരവും റദ്ദാക്കേണ്ടിവന്നു.
ആദ്യ മത്സരത്തില്‍ സാത്വിക്- ചിരാഗ് സഖ്യം അനായാസവിജയം സ്വന്തമാക്കിയിരുന്നു. ഫ്രാന്‍സിന്റെ ലൂക്കാസ് കോര്‍വീ-റോനന്‍ ലാബര്‍ സഖ്യത്തെയായിരുന്നു ഇന്ത്യ പരാജയപ്പെടുത്തിയത്. സ്‌കോര്‍ 21-17, 21-14.
