'കീമോ കഠിനമായിരുന്നു, പക്ഷേ ഞാൻ അതിനേക്കാൾ ശക്തയായിരുന്നു'; അവസാന കീമോ പൂർത്തിയാക്കി നടി ഉമ ശങ്കരി

കാൻസറിനോട് പോരാടി ഉമ ശങ്കരി; കീമോതെറാപ്പിയുടെ അവസാന ഘട്ടവും പൂർത്തിയാക്കി

'കീമോ കഠിനമായിരുന്നു, പക്ഷേ ഞാൻ അതിനേക്കാൾ ശക്തയായിരുന്നു'; അവസാന കീമോ പൂർത്തിയാക്കി നടി ഉമ ശങ്കരി
dot image

2000ത്തിൽ സൗത്ത് ഇന്ത്യയിൽ തിളങ്ങി നിന്ന നായികമാരിൽ ഒരാളാണ് ഉമ ശങ്കരി. കുബേരന്‍ എന്ന ചിത്രത്തിലൂടെ മലയാളി പ്രേക്ഷകര്‍ക്ക് പരിചിതയായ ഉമാ ശങ്കരിയുടെ ആരോഗ്യ സ്ഥിതിയെക്കുറിച്ചുള്ള വാർത്തകളാണ് ഇപ്പോൾ ശ്രദ്ധ നേടുന്നത്. തനിക്ക് ബ്രസ്റ്റ് കാന്‍സര്‍ സ്ഥിരീകരിച്ചതായി ഉമ ശങ്കരി നേരത്തെ തന്നെ ഇന്‍സ്റ്റഗ്രാം പോസ്റ്റിലൂടെ അറിയിച്ചിരുന്നു. ഒട്ടും പ്രതീക്ഷിക്കാതെ വന്ന അസുഖം, ആദ്യം ഷോക്കായിരുന്നു, എന്തിന് ഇപ്പോള്‍, എന്തുകൊണ്ട് എനിക്ക് എന്നൊക്കെയുള്ള ചോദ്യം ആദ്യം വന്നുവെങ്കിലും, ഇപ്പോള്‍ താന്‍ അതിനെ ഉള്‍കൊള്ളുന്നു എന്നും, ധൈര്യത്തോടെ നേരിടാന്‍ തയ്യാറായി എന്നും ഉമ പറഞ്ഞിരുന്നു.

ഇപ്പോഴിതാ കീമോ തെറാപ്പിയിലൂടെ കടന്നു പോകുന്നതിനെക്കുറിച്ച് ഉമ പങ്കുവച്ച കുറിപ്പാണ് ശ്രദ്ധ നേടുന്നത്. ഇൻസ്റ്റഗ്രാമിലൂടെയാണ് ആശുപത്രിക്കിടക്കയിൽ നിന്നുള്ള ചിത്രം നടി പങ്കുവെച്ചിരിക്കുന്നത്. "കീമോ കഠിനമായിരുന്നു, ഞാൻ അതിനേക്കാൾ ശക്തയായിരുന്നു. അവസാനത്തെ ഇൻഫ്യൂഷൻ. അടുത്ത അധ്യായത്തിലേക്കുള്ള ചവിട്ടുപടി".- എന്ന ക്യാപ്ഷനോടെയാണ് ഉമ ചിത്രം പങ്കുവെച്ചത്.

അന്യ ഭാഷകളിൽ നിന്ന് നിരവധി നായികമാർ എത്താറുള്ള ഇൻഡസ്ട്രിയാണ് മലയാളം. ബോളിവുഡിൽ നിന്ന് കത്രീന കൈഫ് മുതലുള്ള താരങ്ങൾ‌ മലയാള സിനിമയിൽ നായികയായി തിളങ്ങിയിട്ടുണ്ട്. തമിഴ് - തെലുങ്ക് സിനിമകളില്‍ പരിചിതയായിരുന്ന നടി കുബേരന് ശേഷം വസന്തമല്ലിക, സാഫല്യം, ഈ സ്‌നേഹതീരത്ത് എന്നീ സിനിമകളിലൂടെയും മലയാളത്തിലെത്തി. വിവാഹത്തിന് ശേഷം അഭിനയത്തില്‍ നിന്ന് ഒരു ബ്രേക്ക് എടുത്തിരുന്നു നടി. ഏകദേശം മുപ്പതോളം സിനിമയിൽ ഉമ അഭിനയിച്ചു. അതിന് ശേഷം സീരിയലുകളിൽ സജീവമായിരുന്നു നടി.

Content Highlights: Actress Uma Shankari has completed the final phase of chemotherapy following her battle with cancer. The update marks an important milestone in her treatment journey and has drawn attention from fans and well-wishers.

dot image
To advertise here,contact us
dot image