LIVE TV
വിശപ്പിന്റെ വിളി വന്നോ? എന്നാൽ ആ വിളി അറിഞ്ഞ് ഭക്ഷണം ഓർഡർ ചെയ്യുന്ന ഒരു ഉപകരണം നി‍ർമിക്കുന്ന വീഡിയോ ഇപ്പോൾ സമൂഹമാധ്യമങ്ങളിൽ വൈറലാവുകയാണ്. സ്റ്റാർട്ടപ്പ് സ്ഥാപകനും കണ്ടന്റ് ക്രിയേറ്ററുമായ സോഹൻ എം റായിയാണ് MOM (മീൽ ഓർഡറിംഗ് മൊഡ്യൂൾ) എന്ന് പേരിട്ടിരിക്കുന്ന ഈ ഉപകരണം നി‍ർമിച്ചത്. തനിക്ക് വിശക്കുമ്പോൾ അത് മനസ്സിലാക്കി സൊമാറ്റോയിൽ ഭക്ഷണം ഓർഡർ ചെയ്യുന്നതിനായിയാണ് ഈ ഉപകരണം കണ്ടുപിടിച്ചെന്ന് അദ്ദേഹം വീഡിയോയിൽ വ്യക്തമാക്കുന്നുണ്ട്. എഐ സഹായത്തോടെ പ്രവർത്തിക്കുന്ന മീൽ ഓർഡറിംഗ് മൊഡ്യൂൾ ബെൽറ്റിൽ ഘടിപ്പിക്കാൻ കഴിയുന്ന തരത്തിലാണ് രൂപകല്പന സോഹൻ ചെയ്തിട്ടുള്ളത്.
വയറിലെ മുരൾച്ചയുടെ ശബ്ദം തിരിച്ചറിഞ്ഞ് മീൽ ഓർഡറിംഗ് മൊഡ്യൂൾ യാന്ത്രികമായി ഭക്ഷണം ഓർഡർ ചെയ്യുന്നു എന്നാണ് ഈ യന്ത്രത്തിന്റെ പ്രവർത്തനത്തെപ്പറ്റി സോഹൻ എം റായി വിശദീകരിക്കുന്നത്. ക്ലോഡ് എഐ സഹായത്തോടെയാണ് ഉപകരണം ഘടിപ്പിച്ചിട്ടുള്ള വ്യക്തിയുടെ വിശപ്പിന്റെ അളവ് നിർണ്ണയിക്കുന്നത്. കൂടാതെ ഹാർഡ്‌വെയറിനായി നി‍ർമാതാവ് ഹോദരിയുടെ സ്റ്റെതസ്കോപ്പ് ഉൾപ്പെടെ നിരവധി കാര്യങ്ങൾ അദ്ദേഹം ഉപയോഗിച്ചിട്ടുള്ളത്. യന്ത്രത്തിന്റെ നി‍ർമാണ വീഡിയോ സോഹൻ സമൂഹമാധ്യമത്തിൽ പങ്കുവച്ചത്തോടെ നിരവധി കമന്റുകളാണ് വീഡിയോയ്ക്ക് താഴെ വരുന്നത്.
"നിങ്ങൾ ഇത് എങ്ങനെ പരീക്ഷിച്ചു?" ഒരാളുടെ ചോദ്യത്തിന് താൻ ഒരു ദിവസം മുഴുവൻ ഭക്ഷണം കഴിക്കാതെ ഇരിക്കേണ്ടി വന്നു എന്നാണ് റായ് മറുപടി നൽകിയത്. മുരളുക എന്നാൽ വിശക്കുന്നു എന്നല്ല. എന്നിരുന്നാലും നന്നായിട്ടുണ്ടെന്നാണ് മറ്റൊരാളുടെ കമന്റ്. "അനാവശ്യമായ കണ്ടുപിടുത്തങ്ങളിൽ ഉൾപ്പെടുത്തണം", "ഈ ഉപകരണം ചെറുതും ഭാരം കുറഞ്ഞതുമായിരുന്നെങ്കിൽ എന്ന് ഞാൻ ആഗ്രഹിക്കുന്നു, അങ്ങനെയെങ്കിൽ എനിക്ക് അത് എന്റെ പൂച്ചയുടെ ശരീരത്തിൽ ഘടിപ്പിക്കാനും അവന് വിശക്കുമ്പോൾ അറിയാനും കഴിയും. അത് അവനെ നിരീക്ഷിക്കുന്നത് വളരെ എളുപ്പവും സൗകര്യപ്രദവുമാക്കും." എന്നൊക്കെയാണ് മറ്റ് കമന്റുകൾ.
മംഗളൂരു സ്വദേശിയായ സോഹൻ എം റായി "സിക്കിഗയ്" എന്ന പേരിലുള്ള ഇൻസ്റ്റാഗ്രാം പേജിലൂടെയാണ് സാങ്കേതികവിദ്യയുമായി ബന്ധപ്പെട്ട വിവിധ വീഡിയോകൾ പങ്കിടുന്നത്. 2023-ന്റെ തുടക്കത്തിൽ, സൊമാറ്റോയിൽ ഡെലിവറി ബോയ് ജോലിചെയ്ത സോഹൻ സ്വന്തമായി നിർമ്മിച്ച ഡ്രോൺ ഉപയോഗിച്ച് ഭക്ഷണം വിതരണം ചെയ്തത് വൈറലായിരുന്നു.
Content Highlights: Young man invents device that senses hunger and orders food
