Get the latest news at
your fingertips!
Download our app now
LIVE TV
Search
സ്വര്ണത്തിന്റെയും വെള്ളിയുടേയും വിലയില് കഴിഞ്ഞ ഒരാഴ്ചയായി വലിയ ചാഞ്ചാട്ടമാണ് ഉണ്ടാകുന്നത്. സര്വ്വകാല റെക്കോര്ഡിലേക്ക് വില ഉയര്ന്നതിന് പിന്നാലെ സ്വര്ണവും വെള്ളിയും കുത്തനെ ഇടിയുന്ന കാഴ്ചയാണ് കഴിഞ്ഞ രണ്ട് ദിവസങ്ങളിലായി കണ്ടുകൊണ്ടിരിക്കുന്നത്. എന്നാല് ഇന്നലെ രാവിലെയും ഉച്ചയ്ക്കുമായി കുറഞ്ഞ വില വൈകുന്നേരമായപ്പോള് അല്പം വര്ധിച്ചിരുന്നു. എന്നാല് ഇന്ന് രാവിലെ സ്വര്ണവിലയും വെള്ളിവിലയും വീണ്ടും ഇടിഞ്ഞു.ഇക്കഴിഞ്ഞ വെള്ളിയാഴ്ച സ്വര്ണം 10 ശതമാനം ഇടിഞ്ഞു. 2008ലെ സാമ്പത്തിക പ്രതിസന്ധിക്ക് ശേഷമുളള ഏറ്റവും വലിയ ഇന്ട്രാഡേ ഇടിവും 1980കളുടെ തുടക്കത്തിന് ശേഷമുള്ള ഏറ്റവും വലിയ പ്രതിദിന ഇടിവും കവിഞ്ഞു. വില ഇനിയും കുറയാന് സാധ്യതയുണ്ടെന്നാണ് വിദഗ്ധരുടെ വിലയിരുത്തല്. മുന് ഫെഡ് ഗവര്ണര് കെവിന് വാര്ഷിനെ യുഎസ് സെന്ട്രല് ബാങ്കിന്റെ അടുത്ത ചെയര്മാനാക്കാന് ട്രംപ് തീരുമാനിച്ചതാണ് ഓഹരി വില്പ്പനയ്ക്ക് പിന്നിലെ പ്രേരണയെന്ന് വിശകലന വിദഗ്ധര് പറയുന്നു.
സംസ്ഥാനത്ത് ഒരുപവന് സ്വര്ണത്തിന് ഇന്ന് 111,280 രൂപയാണ് വില. ഒരു ഗ്രാം സ്വര്ണത്തിന് 13,910 രൂപയും. ഇന്നലെ രാവിലെയും ഉച്ചയ്ക്കുമായി രണ്ട് തവണ താഴ്ന്ന് നിന്ന സ്വര്ണവില വൈകുന്നേരമായപ്പോള് അല്പ്പം കൂടിയിരുന്നു. 22 കാരറ്റ് ഒരു ഗ്രാം സ്വര്ണത്തിന് ഇന്നലെ ഒടുവിലത്തെ വില 14,040 രൂപയും ഒരു പവന് 112,320 രൂപയുമായിരുന്നു. ഇന്ന് 1,040 രൂപയുടെ കുറവാണ് പവന് വിലയില് ഉണ്ടായിരിക്കുന്നത് . ഗ്രാം വിലയില് 130 രൂപയും കുറഞ്ഞിട്ടുണ്ട്. അതുപോലെ 18 കാരറ്റ് സ്വര്ണം ഗ്രാമിന് 11495 രൂപയും പവന് 91,960 രൂപയുമാണ് ഇന്നത്തെ വില. 880 രൂപയുടെ വ്യത്യാസമാണ് പവന് വിലയില് ഉണ്ടായിരിക്കുന്നത്. വെളളി വിലയിലും വലിയ കുറവാണ് ഇന്ന് ഉണ്ടായത്. ഒരു ഗ്രാം വെളളിക്ക് 280 രൂപയും 10 ഗ്രാമിന് 2800 രൂപയുമാണ് ഇന്നത്തെ വിപണിവില.
ജനുവരി 31 - 1,17,760
ഫെബ്രുവരി 1 - 1,17,760
ഫെബ്രുവരി 2 - 14,040
Content Highlights :Gold and silver prices in Kerala fall again today, February 2
