Get the latest news at
your fingertips!
Download our app now
LIVE TV
Search
കഴിഞ്ഞദിവസം എസ്പാനിയോളക്കെതിരെ നേടിയ രണ്ട് ഗോളിന്റെ ജയത്തോടെ ലീഗിൽ രണ്ട് മത്സരങ്ങൾ ശേഷിക്കെ തന്നെ ബാഴ്‌സ ലാലിഗ കിരീടം മുത്തമിട്ടിരിക്കുകയാണ്. 36 കളികളിൽ 85 പോയിന്റുമായാണ് ഈ നേട്ടം ബാഴ്‌സ സ്വന്തമാക്കിയത്. 36 മത്സരങ്ങളിൽ നിന്ന് 78 പോയിന്റുമായി രണ്ടാംസ്ഥാനത്തുള്ള റയൽ മാഡ്രിഡിനെക്കാൾ ഏഴ് പോയിന്റ് മുന്നിലാണ്. ഇനി ശേഷിക്കുന്ന രണ്ട് മത്സരങ്ങളുടെ ഫലം ഏതായാലും കിരീട വിജയികളിൽ മാറ്റമുണ്ടാവില്ല.
അതേസമയം ബാഴ്‌സ തങ്ങളുടെ 28-ാം ലാലിഗ കിരീടം നേടിയപ്പോൾ താരമായത് സ്പെയിൻ യുവ താരമായ പതിനേഴുകാരനായ ലമീൻ യമാലായിരുന്നു. 53-ാം മിനിറ്റിൽ ലമിൻ യമാൽ നേടിയ മിന്നും ഗോളാണ് മത്സരത്തിൽ നിർണായകമായത്. രണ്ടാം പകുതിയുടെ അധിക സമയത്ത് യമാലിന്റെ തന്നെ അസിസ്റ്റിൽ ഫെർമിൻ ലോപ്പസ് രണ്ടാം ഗോൾ നേടുകയും ചെയ്തു. യമാൽ തന്നെയാണ് കളിയിലെ താരം.
അതേസമയം ഈ സീസണിൽ മൂന്ന് കിരീടമാണ് ബാഴ്‌സയ്‌ക്കൊപ്പം യമാൽ നേടിയത്. സ്പാനിഷ് സൂപ്പർ കപ്പ്, കോപ്പ ഡെൽറേ തുടങ്ങി കിരീടങ്ങൾ ഇതിന് മുമ്പ് നേടിയിരുന്നു. ചാമ്പ്യൻസ് ലീഗ് കിരീടമോഹം സെമിയിൽ അവസാനിച്ചെങ്കിലും യമാൽ അവിടെയും മിന്നും പ്രകടനം നടത്തിയിരുന്നു. ഈ സീസണിൽ 17 ഗോളുകളും 25 അസിസ്റ്റുകളും ബാഴ്‌സയ്ക്ക് വേണ്ടി നേടി. ഇതുകൂടാതെ സ്പെയ്നിനെ യൂറോ കപ്പ് ചാമ്പ്യന്മാരാക്കുകയും ചെയ്തു.
Content Highlights: A miracle at the age of 17; The Yamal era in football has just begun!
