മധ്യപ്രദേശ്, രാജസ്ഥാൻ, ഛത്തീസ്ഗഢ് എന്നിവിടങ്ങളിൽ കോൺഗ്രസ് - ബിജെപി നേർക്കുനേർ പോരാട്ടമാണ്. രാജസ്ഥാൻ, ഛത്തിസ്ഗഡ് എന്നിവിടങ്ങളിൽ കോൺഗ്രസിനാണ് എക്സിറ്റ് പോൾ ഫലങ്ങൾ മുൻതൂക്കം നൽകുന്നത് എങ്കിലും ആത്മവിശ്വാസത്തിൽ തന്നെയാണ് ബിജെപി.
രാഹുൽ ഗാന്ധി വിളിച്ച മീറ്റിംഗിൽ തെലങ്കാനയിലെ കോൺഗ്രസ് നേതാക്കളും ഡി കെ ശിവകുമാറും പങ്കെടുത്തു. എല്ലാ സ്ഥാനാർഥികളോടും രാവിലെ തന്നെ ഹൈദരാബാദിൽ എത്താൻ നിർദേശം. തൂക്ക് സഭയെങ്കിൽ എംഎൽഎമാരെ ബംഗളൂരുവിലേക്ക് മാറ്റിയേക്കും.
നാല് സംസ്ഥാനങ്ങളിലെയും വോട്ടെണ്ണൽ എട്ട് മണിയോടെ ആരംഭിക്കും. അതീവ സുരക്ഷയിലാണ് വോട്ടെണ്ണൽ നടക്കുക. ഇവിഎം അൺലോക്ക് ചെയ്യുന്നത് ആറ് മണിയോടെ ആരംഭിച്ചിട്ടുണ്ട്.
ഛത്തീസ്ഗഢിൽ സർക്കാർ ഉണ്ടാകുമെന്ന ആത്മവിശ്വാസത്തിൽ ബിജെപി. ഭൂരിപക്ഷം നേടുമെന്ന് മുൻ മുഖ്യമന്ത്രി രമൺ സിംഗ്. 55 സീറ്റുകൾ വരെ ബിജെപി നേടുമെന്നുമാണ് അവകാശവാദം.
പോസ്റ്റല്‍ വോട്ടുകള്‍ സൂക്ഷിക്കുന്നതില്‍ ഉദ്യോഗസ്ഥർ പരാജയപ്പെട്ടെന്നാരോപിച്ച് തെലങ്കാനയില്‍ കോണ്‍ഗ്രസ് പ്രതിഷേധം
ആദ്യ ഫലസൂചനകൾ പുറത്തുവരുമ്പോൾ തെലങ്കാനയിൽ കോൺഗ്രസ് ബഹുദൂരം മുന്നിൽ
തെലങ്കാനയിൽ ആദ്യ ഫലസൂചനകളിൽ കോൺഗ്രസിനൊപ്പമെത്താനാകാതെ ബിആർഎസ്. കോൺഗ്രസ് 51 സീറ്റിൽ ലീഡ് ചെയ്യുമ്പോൾ 2 സീറ്റിൽ മാത്രമാണ് ബിആർഎസ് മുന്നിലുള്ളത്.
തെലങ്കാനയിൽ നിയമസഭാ തിരഞ്ഞെടുപ്പിൽ വോട്ടെണ്ണൽ പുരോഗമിക്കുമ്പോൾ ആദ്യഘട്ടത്തിൽ കോൺഗ്രസിന് മുന്നേറ്റം. 119 സീറ്റുകളിലേക്കുള്ള വോട്ടെണ്ണൽ നടക്കുമ്പോൾ അവസാനം ലഭിച്ച വിവരമനുസരിച്ച് 60 ഇടങ്ങളിൽ കോൺഗ്രസ് മുന്നിലാണ്. ബിആർഎസ് 33 ഇടത്തും ബിജെപി മൂന്നിടത്തും ലീഡ് ചെയ്യുന്നു.
ഛത്തീസ്ഗഢിൽ ലീഡ് തിരിച്ചുപിടിച്ച് മുഖ്യമന്ത്രി ഭൂപേഷ് ബാഗേൽ. പഠാൻ മണ്ഡലത്തിൽ ബാഗേൽ മുന്നിലാണ്.
തെലങ്കാനയിൽ വോട്ടെടുപ്പ് പുരോഗമിക്കുമ്പോള്‍ കോണ്‍ഗ്രസ് സ്ഥാനാര്‍ഥിയും മുന്‍ ക്രിക്കറ്റ് താരവുമായ മുഹമ്മദ് അസ്ഹറുദ്ദീന്‍ മുന്നിൽ.
രാജസ്ഥാനിൽ ബിജെപി സ്ഥാനാർഥി ദിയാ കുമാരി ലീഡ് ചെയ്യുന്നു. സംസ്ഥാനത്ത് ബിജെപി വിജയിക്കുകയാണെങ്കിൽ മുഖ്യമന്ത്രി സ്ഥാനത്തേക്ക് പരിഗണിക്കുമെന്ന് കരുതപ്പെടുന്ന വ്യക്തിയാണ് ദിയാ കുമാരി.
മധ്യപ്രദേശിൽ ഏറെ മുന്നിലാണ് ബിജെപി. 140 സീറ്റിലാണ് ബിജെപി ലീഡ് ചെയ്യുന്നത്. 86 സീറ്റിൽ കോൺഗ്രസും ലീഡ് ചെയ്യുന്നു.
മധ്യപ്രദേശ് രാജസ്ഥാൻ ഛത്തീസ്ഗഡ് സംസ്ഥാനങ്ങളിൽ നിയമസഭാ തിരഞ്ഞെടുപ്പിൽ ബിജെപിക്ക് മുന്നേറ്റം. രാജസ്ഥാനിലും മധ്യപ്രദേശിലും നൂറിലധികം സീറ്റുകളിലാണ് ബിജെപി ലീഡ് ചെയ്യുന്നത്. ഛത്തീസ്ഗഡിൽ ഇഞ്ചോടിഞ്ച് പോരാട്ടമാണ്.
തെലങ്കാനയിൽ കോൺഗ്രസിന് മുന്നേറ്റം. ഭരണവിരുദ്ധ വികാരം ബിആർഎസിന് തിരിച്ചടിയായി. കെസിആറിന്റെ തന്ത്രങ്ങൾ ഫലിച്ചില്ല. രേവന്ത് റെഡ്ഢി മാജിക് കോൺഗ്രസിനെ തുണച്ചപ്പോൾ ചിത്രത്തിലെങ്ങുമില്ല ബിജെപി.
കോൺഗ്രസ് - 65, ബിആർഎസ് - 46, ബിജെപി - 2
തെലങ്കാനയിലെ കോണ്‍ഗ്രസ് മുന്നേറ്റത്തെ അഭിനന്ദിച്ച് ബിആര്‍എസ് എംപി. സീറ്റ് നില മെച്ചെപ്പടുത്തുന്നതിനായി കോണ്‍ഗ്രസ് മികച്ച പ്രവര്‍ത്തനം കാഴ്ച്ചവെച്ചെന്ന് കേശവ റാവു അഭിനന്ദിച്ചു
രാജസ്ഥാനിലും മധ്യപ്രദേശിലും ഛത്തീസ്ഗഢിലും ബിജെപി മുന്നിൽ. ഭരണമുണ്ടായിരുന്ന രാജസ്ഥാനും ഛത്തീസ്ഗഢും കോണ്‍ഗ്രസിന് നഷ്ടമായി. ആശ്വസിക്കാൻ തെലങ്കാനയിലെ മുന്നേറ്റം മാത്രം.
രേവന്ത് റെഡ്ഢിയെ അഭിനന്ദിക്കാൻ ഉന്നത പൊലിസ് മേധാവികൾ ജൂബിലി ഹിൽസിലെ വീട്ടിലെത്തി. പൊലിസ് മേധാവികൾ അദ്ദേഹത്തിന് പൂച്ചെണ്ടുകൾ സമ്മാനിച്ചു.
രാജസ്ഥാനിൽ തിരഞ്ഞെടുപ്പ് ഫലം ബിജെപിക്ക് അനുകൂലമാകുന്ന സാഹചര്യത്തിൽ കോൺഗ്രസ് നേതാവ് അശോക് ഗെഹ്‌ലോട്ടിനെ പരിഹസിച്ച് കേന്ദ്രമന്ത്രി ഗജേന്ദ്ര സിംഗ് ഷെഖാവത്ത്. മാന്ത്രികന്റെ മന്ത്രശക്തിയിൽ നിന്ന് ആളുകൾ പുറത്തുവന്നുവെന്നാണ് അദ്ദേഹം പറഞ്ഞത്. അഴിമതിക്കാരായ കോൺഗ്രസിനെ ജനങ്ങൾ പുറത്താക്കിയെന്നും ഗജേന്ദ്ര സിംഗ് ഷെഖാവത്ത്.
പ്രവർത്തകർക്ക് അഭിവാദ്യം അർപ്പിച്ച് നരേന്ദ്ര മോദി ബിജെപി ആസ്ഥാനത്തെത്തി. മധ്യപ്രദേശിൽ ഭരണം നിലനിർത്തുകയും രാജസ്ഥാൻ, ഛത്തീസ്ഗഢിലും ഭരണം തിരിച്ചു പിടിക്കുകയും ചെയ്ത ആഹ്ളാദത്തിലാണ് ബിജെപി ആസ്ഥാനം
