Get the latest news at
your fingertips!
Download our app now
LIVE TV
Search
ജാന്‍ എ മന്‍ എന്ന ചിത്രത്തിന്റെ പേരുമാറ്റണമെന്നതിനെ കുറിച്ചുണ്ടായ ഒരു സംസാരത്തെ കുറിച്ച് രേഖാ മേനോനുമായുള്ള അഭിമുഖത്തില്‍ സംവിധായകനും നടനുമായ ലാല്‍ പറഞ്ഞ കാര്യമാണ് ഇപ്പോള്‍ സോഷ്യല്‍ മീഡിയയിലെ വൈറല്‍ കണ്ടന്റായിരിക്കുന്നത്.
ചിദംബരം സംവിധാനം ചെയ്ത ബേസില്‍ ജോസഫ് ചിത്രത്തിന്റെ ഈ പേരുകേട്ടാല്‍ താനായാല്‍
തിയേറ്ററില്‍ പോകില്ലെന്നും പേരു മാറ്റണമെന്നും സംവിധായകനോട് ആവശ്യപ്പെട്ടുവെന്നും ലാല്‍ പറയുന്നു. പുതിയ സംവിധായകരുമായുള്ള അനുഭവം എങ്ങനെയായിരുന്നു എന്നായിരുന്നു രേഖ മേനോന്റെ ചോദ്യം, ഇതിന് ലാലിന്റെ മറുപടി ഇങ്ങനെ:
'പടത്തിലെ എല്ലാം ഇഷ്ടമായി, ജാന്‍ എ മന്‍ എന്ന പേരുമാത്രം ഇഷ്ടമായില്ല എന്ന് ചിദംബരത്തിനോട്
പറഞ്ഞു. നിങ്ങള്‍ ആളുകയറരുതെന്ന് എന്തിനാണ് വാശിപിടിക്കുന്നത്. ആ പേര് കേട്ട് കഴിഞ്ഞാല്‍ ഞാന്‍ പോകില്ല, ജാന്‍ എ മന്‍ എന്ന പേരുമാറ്റെന്ന് പറഞ്ഞു. അപ്പോള്‍ അദ്ദേഹം ഒഴിഞ്ഞ് മാറി, പക്ഷേ ആ പേര് കറക്ടായിരുന്നുവെന്ന് കൃത്യമായി ചിദംബരം തെളിയിച്ചു തന്നു' എന്നാണ്.
2021 നവംബര്‍ റിലീസായ ജാന്‍ എ മന്‍ ഒരു ഫണ്‍ എന്റര്‍ടെയ്‌നറായിരുന്നു. വലിയ താരങ്ങളില്ലാതെ എത്തിയ ചിത്രം തിയേറ്ററുകളില്‍ വലിയ വിജയമാണ് സ്വന്തമാക്കിയത്. ഒരു ഹിന്ദി-ഉറുദു വാക്കായ ജാന്‍ എ മന്നിന്റെ അര്‍ഥം പ്രിയപ്പെട്ടയാള്‍ എന്നാണ്. ചിത്രത്തിലെ ഏറെ പ്രധാനപ്പെട്ട രംഗവുമായി ബന്ധപ്പെട്ടതായിരുന്നു ഈ വാക്കുകള്‍.
Content Highlights: Actor lal revealed that he adviced jan e man flick director to change the film title
