Get the latest news at
your fingertips!
Download our app now
LIVE TV
Search
കേരള ക്രിക്കറ്റ് ലീഗ് രണ്ടാം സീസണില്‍ രാജകീയമായ തിരിച്ചുവരവുമായി സഞ്ജു സാംസണ്‍. കൊല്ലം സെയ്‌ലേഴ്‌സിനെതിരായ മത്സരത്തില്‍ തകര്‍പ്പന്‍ അര്‍ധ സെഞ്ച്വറിയാണ് സഞ്ജു അടിച്ചു കൂട്ടിയത്. നിലവില്‍ 25 പന്തില്‍ 78 റണ്‍സെടുത്ത് സഞ്ജു ക്രീസിലുണ്ട്. നാല് സിക്‌സും 12 ബൗണ്ടറികളുമാണ് സഞ്ജുവിന്റെ ബാറ്റില്‍ നിന്ന് പിറന്നത്. 16 പന്തിലാണ് താരം അർധ സെഞ്ച്വറി തികച്ചത്.
സീസണിലെ ആദ്യ മത്സരങ്ങളില്‍ സഞ്ജുവിന് തിളങ്ങാനായിരുന്നില്ല. എന്നാല്‍ കൊല്ലത്തിനെതിരായ മത്സരത്തില്‍ ഓപ്പണറായി ഇറങ്ങിയാണ് സഞ്ജു കത്തിക്കയറുന്നത്. കൊല്ലം ഉയര്‍ത്തിയ 237 റണ്‍സെന്ന കൂറ്റന്‍ വിജയലക്ഷ്യവുമായി മറുപടി ബാറ്റിങ്ങിനിറങ്ങിയ കൊച്ചി ബ്ലൂ ടൈഗേഴ്സിന് വേണ്ടിയാണ് ഇന്ത്യന്‍ താരത്തിന്റെ വെടിക്കെട്ട് പ്രകടനം.
തിരുവനന്തപുരം ഗ്രീന്‍ഫീല്‍ഡ് സ്റ്റേഡിയത്തില്‍ ടോസ് നഷ്ടപ്പെട്ട് ബാറ്റിങ്ങിനെത്തിയ കൊല്ലം സെയ്ലേഴ്സിനെ വിഷ്ണു വിനോദ് (41 പന്തില്‍ 94), സച്ചിന്‍ ബേബി (44 പന്തില്‍ 91) എന്നിവരുടെ ഇന്നിംഗ്സാണ് കൂറ്റന്‍ സ്‌കോറിലേക്ക് നയിച്ചത്. ജെറിന്‍ പി എസ് ബ്ലൂ ടൈഗേഴ്സിന് വേണ്ടി രണ്ട് വിക്കറ്റ് വീഴ്ത്തി. ടൂര്‍ണമെന്റില്‍ ഇരു ടീമുകളും ആദ്യമായിട്ടാണ് നേര്‍ക്കുനേര്‍ വരുന്നത്. ഇരുവര്‍ക്കും ഒരോ ജയവും തോല്‍വിയുമാണുള്ളത്.
Content Highlights: Sanju Samson Blasting Performance in Kerala Cricket League
