LIVE TV
പോസ്റ്റ് ഓഫീസുകളിലൂടെ നടത്താവുന്ന ഒരു സുരക്ഷിതമായ നിക്ഷേപമാണ് നാഷണല് സേവിംഗ്സ് സര്ട്ടിഫിക്കറ്റ് ( എന്എസ്സി). ചെറുകിട, ഇടത്തരം വരുമാനക്കാര്ക്ക് നികുതി ലാഭിക്കാനും സമ്പാദ്യത്തിനും മികച്ചതാണ് ഈ പദ്ധതി. ഈ പദ്ധതി പ്രകാരം ഒരു വ്യക്തിക്ക് കുറഞ്ഞത് 1000 രൂപ നിക്ഷേപിക്കാം. തുടര്ന്ന് 100 ന്റെ ഗുണിതങ്ങളായി 5 വര്ഷത്തെ കാലാവധി പൂര്ത്തിയാകുന്നതുവരെ പരമാവധി പരിധിയില്ലാതെ പണം നിക്ഷേപിക്കാവുന്നതാണ്. പ്രായപൂര്ത്തിയായവര്ക്ക് സ്വന്തം പേരിലും പ്രായപൂര്ത്തിയാകാത്ത കുട്ടികള്ക്ക് വേണ്ടി അവരുടെ പേരില് മുതിര്ന്നവര്ക്കും നിക്ഷേപിക്കാവുന്നതാണ്.
എന്എസ്സി യുടെ ഏറ്റവും വലിയ ആകര്ഷണം കോമ്പൗണ്ടിങ് ഇഫക്ടാണ്. ഉദാഹരണമായി 25 ലക്ഷം രൂപയുടെ നിക്ഷേപമാണ് നിങ്ങള് നടത്താന് ഉദ്ദേശിക്കുന്നതെങ്കില് അഞ്ച് വര്ഷത്തിനുളളില് 36.47 ലക്ഷം രൂപയായി വളരും. 11.47 ലക്ഷം രൂപയോളം പലിശ ലഭിക്കുകയും ചെയ്യും.
സിംഗിള് ഹോള്ഡര് ടൈപ്പ് അക്കൗണ്ട് -ഇത് പ്രായപൂര്ത്തിയായവര്ക്ക് തുറക്കാവുന്ന അക്കൗണ്ടാണ്. അല്ലെങ്കില് പ്രായപൂര്ത്തിയായ ഒരാള്ക്ക് 10 വയസു തികഞ്ഞ ഒരു മൈനര്ക്കുവേണ്ടി തുറക്കാം.
ജോയിന്റ് എ-ടൈപ്പ് അക്കൗണ്ട് - ഈ തരത്തിലുള്ള അക്കൗണ്ട് മൂന്ന് മുതിര്ന്നവരുടെ പേരില് സംയുക്തമായി തുറക്കാവുന്നതാണ്. ഇത് എല്ലാ ഉടമകള്ക്കും സംയുക്തമായി ലഭിക്കും.
ജോയിന്റ് ബി-ടൈപ്പ് അക്കൗണ്ട് - ഇൗ അക്കൗണ്ട് 3 മുതിര്ന്നവരുടെ വരെ പേരില് സംയയുക്തമായി തുറക്കാവുന്നതാണ്. ഇത് അക്കൗണ്ട് ഉടമകളില് ആര്ക്കെങ്കിലും അല്ലെങ്കില് അക്കൗണ്ട് കാലാവധി പൂര്ത്തിയായവര്ക്കും ലഭിക്കും.
Content Highlights :Post Office's savings scheme where you can earn Rs 35 lakh in 5 years. Know about National Savings Certificate
