LIVE TV
പുതുവത്സരാഘോഷ വേളയില് സംവിധായകന് സന്ദീപ് റെഡ്ഡി വംഗ ആരാധകര്ക്കായി കാത്തുവച്ചത് മനോഹരമായ ഒരു സര്പ്രൈസ് തന്നെയായിരുന്നു. പ്രഭാസ് നായകനാകുന്ന 'സ്പിരിറ്റി' ന്റെ ഫസ്റ്റ് ലുക്ക് പോസ്റ്റര് പുതുവര്ഷം ആരംഭിക്കുന്ന രാത്രിയിലാണ് വാംഗ പുറത്തിറക്കിയത്. പ്രഭാസും തൃപ്തി ഡിമ്രി
മുന്പ് സന്ദീപ് റഡ്ഡി വംഗ രണ്ബീര് കപൂറും രശ്മിക മന്ദാനയും അഭിനയിച്ച അനിമല് എന്ന തന്റെ ചിത്രത്തിന്റെ പോസ്റ്ററും പുതുവര്ഷവേളയിലാണ് പുറത്തിറക്കിയിരുന്നത്. സമൂഹമാധ്യമങ്ങളില് പ്രചരിച്ച പോസ്റ്റര് അനിമല് എന്ന ചിത്രത്തെ ഓര്മിപ്പിക്കുന്നതാണെന്ന് നിരവധി ആളുകള് കുറിച്ചു.
പോസ്റ്ററില് തിരിഞ്ഞുനില്ക്കുന്ന പ്രഭാസിന്റെ ശരീരത്തില് ചതവുകളും മുറിവുകളും കാണാം. തോളിലും കൈകളിലും ബാന്ഡേജുകളും കെട്ടിയിട്ടുണ്ട്. കൈയില് ഒരു ഗ്ലാസില് മദ്യവും പിടിച്ചിരിക്കുന്നത് കാണാം.
നീണ്ട മുടിയും കട്ടിയുള്ള താടിയും മീശയുമുളള പ്രഭാസ് വംഗയുടെതന്നെ അനിമല് സിനിമയിലെ രണ്ബീര് കപൂറിനെ ഓര്മിപ്പിക്കുന്നതാണ്. ചിത്രത്തില് പ്രഭാസിന്റെ ചുണ്ടിലിരിക്കുന്ന സിഗരറ്റ് കത്തിച്ചുകൊണ്ടാണ് തൃപ്തി ഡിമ്രിയെ കാണുന്നത്. തന്റെ ഇന്സ്റ്റഗ്രാം പേജിലൂടെ പ്രഭാസും സ്പിരിറ്റിന്റെ പോസ്റ്റര് പങ്കുവെച്ചിട്ടുണ്ട്.
രണ്ട് വ്യത്യസ്ത ഗെറ്റപ്പിലാണ് പ്രഭാസ് സ്പിരിറ്റിലെത്തുന്നത് എന്നാണ് വിവരം. ചിത്രത്തിനായി സന്ദീപ് റെഡ്ഡി വാംഗ കൊറിയയില് നിന്നും യു എസ്സില് നിന്നുമുള്ള അഭിനേതാക്കള്ക്കായി തിരച്ചില്
നടത്തുന്നെന്നും വമ്പന് ആക്ഷന് സീനുകള് ആണ് സിനിമയ്ക്കായി ഒരുക്കിയിരിക്കുന്നതെന്നും റിപ്പോര്ട്ടുകളുണ്ടായിരുന്നു. ചിത്രത്തിലെ സ്റ്റണ്ട് സീനുകള് സ്വയം ചെയ്യാനുള്ള തയ്യാറെടുപ്പിലാണ് പ്രഭാസ്. ഇതിനായി പ്രത്യേക ട്രെയിനിങ്ങും നടന് നടത്തുന്നു എന്നും റിപ്പോര്ട്ടുകളിലുണ്ടായിരുന്നു.
വിവേക് ഒബ്റോയ്, പ്രകാശ് രാജ് എന്നിവര് സിനിമയില് പ്രധാന വേഷത്തില് എത്തുന്നുണ്ടെന്നും സൂചനകളുണ്ട്. 2027 ന്റെ തുടക്കത്തില് ചിത്രം റിലീസ് ചെയ്യുവാനാണ് അണിയറപ്രവര്ത്തകര് പദ്ധതിയിടുന്നത്. ഇന്ത്യയിലും വിദേശത്തുമായി സിനിമയുടെ ചിത്രീകരണം പൂര്ത്തിയാകും.
Content Heighlights: The first look poster of Prabhas's Spirit movie has been released.
