Get the latest news at
your fingertips!
Download our app now
LIVE TV
Search
ടീസറും ട്രെയ്‌ലറും പോലെ തന്നെ ഇന്ന് സിനിമ പോസ്റ്ററുകൾക്കും ആരാധകർ ഏറെയാണ്. പല വമ്പൻ സിനിമകളുടെയും ഫസ്റ്റ് ലുക്ക് പോസ്റ്ററുകൾക്കും വലിയ വരവേൽപ്പാണ് ലഭിക്കുന്നത്. ഇപ്പോഴിതാ അടുത്തിടെ പുറത്തിറങ്ങിയ ചില മലയാളം സിനിമകളുടെ പോസ്റ്ററിലെ സാമ്യതകൾ കണ്ടുപിടിച്ചിരിക്കുകയാണ് സിനിമാപ്രേമികൾ.
ദുൽഖർ ചിത്രം ഐ ആം ഗെയിം, മോഹൻലാലിന്റെ എമ്പുരാൻ, പൃഥ്വിരാജ് ചിത്രം ഖലീഫ തുടങ്ങിയ സിനിമകളുടെ പോസ്റ്ററുകളിലെ ഒരു സാമ്യതയാണ് സോഷ്യൽ മീഡിയയിലെ ചർച്ചാവിഷയം. ഒരു കൈ കൊണ്ട് മുഖം മറച്ച തരത്തിലാണ് ഈ മൂന്ന് പോസ്റ്ററുകളും ഉള്ളത്. ദുൽഖർ സൽമാൻ ചിത്രം ഐ ആം ഗെയ്മിൻ്റെ ഫസ്റ്റ് ലുക്ക് ഇന്നലെയാണ് പുറത്തുവന്നത്. ഒരു കൈയിൽ തോക്കും മറ്റേ കൈ മുഖം മറച്ചുകൊണ്ടുള്ള തരത്തിലുമാണ് പോസ്റ്ററുള്ളത്. ഒരു പക്കാ കളർഫുൾ വൈബിലാണ് പോസ്റ്റർ ഒരുക്കിയിരിക്കുന്നത്.
നേരത്തെ പുറത്തുവന്ന പൃഥ്വിരാജ് ചിത്രം ഖലീഫയുടെ ടൈറ്റിൽ പോസ്റ്ററും സമാനരീതിയിൽ ഉള്ളതായിരുന്നു. ഒരു കൈ കൊണ്ട് മുഖം മറച്ച തരത്തിലാണ് പോസ്റ്ററിൽ പൃഥ്വിരാജ് ഉള്ളത്. മോഹൻലാൽ ചിത്രമായ എമ്പുരാന്റെ പുറത്തിറങ്ങിയ ഒരു പോസ്റ്ററും ഇത്തരത്തിൽ ഉള്ളതായിരുന്നു. ഇത് പോസ്റ്ററുകളിലെ പുതിയ ട്രെൻഡ് ആണോ എന്നാണ് പലരും സോഷ്യൽ മീഡിയയിലൂടെ കുറിക്കുന്നത്. അതേസമയം, ഇന്നലെ പുറത്തുവന്ന ദുൽഖറിന്റെ ഐ ആം ഗെയിം ഫസ്റ്റ് ലുക്കിന് മികച്ച സ്വീകാര്യതയാണ് ലഭിക്കുന്നത്. നടന്റെ അടുത്ത ഹിറ്റാകുമോ ചിത്രം എന്നറിയാനുള്ള ആകാംക്ഷയിലാണ് ആരാധകർ.
Is this a new trend or what? pic.twitter.com/rZx6uLWptb
— Cine Bae (@Cinebae_) November 28, 2025
ഐ ആം ഗെയിമിൽ താൻ വളരെ മോഡേൺ ആണെന്നും റെട്രോ സ്റ്റൈൽ ആയിരിക്കില്ലെന്നും ദുൽഖർ നേരത്തെ തന്നെ പറഞ്ഞിരുന്നു. സജീർ ബാബ, ബിലാൽ മൊയ്‌തു, ഇസ്മായേൽ അബുബക്കർ എന്നിവർ ചേർന്നാണ് ഐ ആം ഗെയിം സിനിമയ്ക്ക് തിരക്കഥ ഒരുക്കുന്നത്. ജിംഷി ഖാലിദ് ഛായാഗ്രഹണം നിർവഹിക്കുന്ന സിനിമയുടെ എഡിറ്റിംഗ് കൈകാര്യം ചെയ്യുന്നത് ചമൻ ചാക്കോ ആണ്. ജേക്സ് ബിജോയ് ആണ് സിനിമയ്ക്കായി സംഗീതം നൽകുന്നത്. ആക്ഷന് വലിയ പ്രാധാന്യം ഉള്ള ചിത്രത്തിന്റെ ഹൈലൈറ്റ് അൻപറിവ് മാസ്റ്റേഴ്‌സ് ഒരുക്കുന്ന വമ്പൻ സംഘട്ടന രംഗങ്ങൾ ആയിരിക്കും എന്നാണ് സൂചന.
Content Highlights: New trend in malayalam film posters
