Get the latest news at
your fingertips!
Download our app now
LIVE TV
Search
എ ആർ മുരുഗദോസ് സംവിധാനം ചെയുന്ന പുതിയ ശിവകാർത്തികേയൻ ചിത്രം മദ്രാസിയിലെ ഗാനം പുറത്തിറങ്ങി. കഴിഞ്ഞ ആഴ്ചയാണ് ഒരു കിടിലൻ ഗാനം പുറത്തിറക്കി ഹിറ്റ് ആക്കിയത്. ഇപ്പോഴിതാ അനിരുദ്ധ് വീണ്ടും ഒരു ലവ് ടക്കുമായി എത്തിയിരിക്കുകയാണെന്നാണ് പ്രേക്ഷകർ അഭിപ്രായപ്പെടുന്നത്. എല്ലാ സോഷ്യൽ മീഡിയ പ്ലാറ്റ്ഫോമുകളും ഇപ്പോൾ വഴിയിരേൻ എന്ന ഈ ഗാനമാണ് ട്രെൻഡിങ് ലിസ്റ്റിൽ ഒന്നാമത്.
ആഗസ്റ്റ് 24 ന് മദ്രാസിയുടെ ട്രെയ്‌ലറും ഗാനങ്ങളും പുറത്തുവരും. ചിത്രത്തിലെ താരങ്ങളും അണിയറപ്രവർത്തകരും പങ്കെടുക്കുന്ന ഇവന്റിൽ വെച്ചാണ് ഗാനങ്ങളും ട്രെയ്‌ലറും പുറത്തുവിടുന്നത്. നേരത്തെ സിനിമയിലെ ആദ്യ ഗാനം പുറത്തുവന്നിരുന്നു. അനിരുദ്ധ് രവിചന്ദർ ആണ് സിനിമയ്ക്കായി സംഗീതം നൽകുന്നത്. സായ് അഭ്യങ്കാർ ആണ് ഗാനം ആലപിച്ചത്. അനിരുദ്ധും അഭ്യങ്കാറും ആദ്യമായി ഒന്നിക്കുന്ന ഗാനമാണ് ഇത്.
ശിവകാർത്തികേയൻ്റെ കരിയറിലെ ഏറ്റവും ഉയർന്ന ബജറ്റിലാണ് സിനിമയൊരുങ്ങുന്നത്. ഇത് ആദ്യമായാണ് എ ആർ മുരുഗദോസ്സ് സംവിധാനം ചെയ്യുന്ന ചിത്രത്തിൽ ശിവകാർത്തികേയൻ അഭിനയിക്കുന്നത്. ചിത്രത്തിൽ മലയാളികളുടെ പ്രിയപ്പെട്ട താരം ബിജുമേനോനും കേന്ദ്ര കഥാപാത്രത്തിലെത്തുന്നു. ബിജു മേനോന്റെ കരിയറിലെ ഒൻപതാമത്തെ തമിഴ് ചിത്രമാണിത്‌.
വിധ്യുത് ജമാൽ, സഞ്ജയ് ദത്ത്,വിക്രാന്ത്, രുക്മിണി വസന്ത് എന്നിവരാണ് ചിത്രത്തിലെ മറ്റു പ്രധാന താരങ്ങൾ. ചിത്രം സെപ്റ്റംബർ അഞ്ചിന് തിയേറ്ററുകളിലെത്തും. മദ്രാസിയുടെ സംഗീത സംവിധാനം അനിരുദ്ധ് രവിചന്ദർ നിർവഹിക്കുന്നു. ചിത്രത്തിന്റെ സിനിമാട്ടോഗ്രഫി സുധീപ് ഇളമൺ, എഡിറ്റിങ് : ശ്രീകർ പ്രസാദ്. കലാസംവിധാനം: അരുൺ വെഞ്ഞാറമൂട്, ആക്ഷൻ കൊറിയോഗ്രാഫി : കെവിൻ മാസ്റ്റർ ആൻഡ് മാസ്റ്റർ ദിലീപ് സുബ്ബരായൻ തുടങ്ങിയവരാണ് സിനിമയുടെ മറ്റ് അണിയറപ്രവർത്തകർ.
Content Highlights: Sivakarthikeyan new movie Madharaasi second single out
