LIVE TV
കൊച്ചി: യൂട്യൂബ് ചാനല് ഉടമ ഷാജന് സ്കറിയക്കെതിരെ കേസ്. യൂട്യൂബ് വീഡിയോയിലൂടെ സ്ത്രീത്വത്തെ അപമാനിച്ചെന്ന പരാതിയിലാണ് ഹില്പാലസ് പൊലീസ് കേസെടുത്തത്. വീഡിയോയ്ക്ക് താഴെ സ്ത്രീത്വത്തെ അപമാനിക്കുന്ന നിലയിൽ കമന്റ് ചെയ്ത നാല് പേര്ക്കെതിരെയും കേസെടുത്തിട്ടുണ്ട്. ഭാരതീയ ന്യായ സന്ഹിത 79, 75(3), 3(5) എന്നീ വകുപ്പുകളും ഐടി ആക്ട് 67 വകുപ്പ് പ്രകാരവുമാണ് കേസെടുത്തിരിക്കുന്നത്.
കഴിഞ്ഞ ദിവസം വിവാഹച്ചടങ്ങളില് പങ്കെടുത്ത് മടങ്ങവെ ഷാജന് സ്കറിയക്ക് നേരെ യുവാക്കളുടെ ആക്രമണം ഉണ്ടായിരുന്നു.
ഷാജന് സഞ്ചരിച്ച വാഹനത്തില് ഥാര് ഇടിച്ച് വാഹനം നിര്ത്തിച്ച ശേഷമാണ് ആക്രമണം നടത്തിയത്. അക്രമികളെ കണ്ടാല് അറിയാമെന്നും ഇവര് സിപിഐഎം പ്രവര്ത്തകരാണെന്നും ഷാജന് സ്കറിയ മൊഴി നല്കിയിരുന്നു. സംഭവത്തിന് പിന്നാലെ സമൂഹ മാധ്യമങ്ങളില് വന്ന പ്രതികരണങ്ങളുടെ കൂടി അടിസ്ഥാനത്തില് നടത്തിയ അന്വേഷണത്തിലാണ് പ്രതികളെക്കുറിച്ച് പൊലീസിന് വിവരം ലഭിച്ചത്. ഷാജന് സ്കറിയയെ സംഘം ചേര്ന്ന് മര്ദിക്കുന്നതിന്റെ ദൃശ്യങ്ങളും പുറത്തുവന്നിരുന്നു. കേസിൽ അറസ്റ്റിലായ പ്രതികള് പിന്നീട് ജാമ്യത്തില് പുറത്തിറങ്ങുകയായിരുന്നു.
Content Highlights: Case Against Youtuber Shajan Scaria
