LIVE TV
നിങ്ങൾ സ്വപ്നം കാണാറുണ്ടോ? ഉണ്ടെങ്കിൽ നിങ്ങൾക്കായി ഒരു വിഷ്വൽ എക്സ്പീരിയൻസ് ജിയോ ഹോട്ട്സ്റ്റാർ ഒരുക്കി വെച്ചിട്ടുണ്ട്.
മലയാളത്തിലെ ത്രില്ലർ സിനിമകളുടെ കിംഗ് ജീത്തു ജോസഫ് ഷോറണ്ണറായി എത്തുന്ന പുത്തൻ വെബ് സീരീസ് 'സീക്രട്ട് സ്റ്റോറീസ്: റോസ്ലിൻ' ഫെബ്രുവരി 27 മുതൽ ജിയോഹോട്ട്സ്റ്റാറിൽ സ്ട്രീമിംഗ് ആരംഭിക്കുകയാണ്. റോസ്ലിൻ എന്താണെന്ന് പരിചയപ്പെടുത്തുന്ന ഷോറണ്ണർ കൂടിയായ ജീത്തു ജോസഫിൻ്റെ റീൽ ഇപ്പൊൾ സമൂഹ മാധ്യമങ്ങളിൽ ട്രെൻഡിങ് ആണ്. നിങ്ങൾ സ്വപ്നം കാണാറുണ്ടോ ? എന്ന സീരീസിൻ്റെ കോർ ആയിട്ടുള്ള ചോദ്യം ചോദിച്ചുകൊണ്ടാണ് വീഡിയോ അവസാനിക്കുന്നത്.
'മൂത്തോൻ' എന്ന സിനിമയിലൂടെ ശ്രദ്ധിക്കപ്പെട്ട സഞ്ജന ദീപു ടൈറ്റിൽ കഥാപാത്രമായ റോസ്ലിനെ അവതരിപ്പിക്കുന്നത്. പച്ചക്കണ്ണുകളുള്ള ഒരാൾ തന്നെ പിന്തുടരുന്നു എന്ന തോന്നലും ഭീതിതമായ സ്വപ്നങ്ങളും വേട്ടയാടുന്ന ഒരു പെൺകുട്ടിയാണ് റോസ്ലിൻ. തന്റെ മാനസികാവസ്ഥയെക്കുറിച്ച് അവൾ ഡോക്ടറോട് സംസാരിക്കുന്നുണ്ടെങ്കിലും, രാത്രിയിരുന്ന് പുസ്തകം വായിക്കുന്നതാണ് ഇതിന് കാരണമെന്ന് പറഞ്ഞ് അവളുടെ മാതാപിതാക്കൾ അതെല്ലാം തള്ളിക്കളയുകയാണ്. എന്നാൽ റോസ്ലിന്റെ ഭയത്തെ ശരിവെക്കുന്ന തരത്തിൽ അവൾ ഭയപ്പെടുന്ന ആ അപരിചിതൻ അവരുടെ വീട്ടിലെ അതിഥിയായി എത്തുകയാണ്. ഇതോടെ കഥയിൽ ഞെട്ടിപ്പിക്കുന്ന വഴിത്തിരിവുകൾ സംഭവിക്കുന്നു. അവളുടെ മാതാപിതാക്കളുടെ വിശ്വാസം അതിഥി നേടിയെടുക്കുന്നു.
അയാളുടെ നിഗൂഢമായ ഉദ്ദേശ്യങ്ങൾ വെളിപ്പെടുത്താൻ റോസ്ലിന് സാധിക്കുമോ എന്നതാണ് സീരീസ് കാഴ്ചക്കാർക്ക് മുന്നിൽ വെക്കുന്നത്.
സുമേഷ് നന്ദകുമാറാണ് റോസ്ലിന്റെ സംവിധായകൻ. ഒട്ടേറെ ഹിറ്റ് ഗാനങ്ങൾ ഒരുക്കിയ ലിറിസിസ്റ്റ് വിനായക് ശശികുമാർ ആദ്യമായി തിരക്കഥ ഒരുക്കുന്ന ചിത്രമാണെന്ന പ്രത്യേകതയും റോസ്ലിന് ഉണ്ട്. സെൻട്രൽ അഡ്വർടൈസിംഗിന്റെ ബാനറിൽ മാത്യു ജോർജ്ജാണ് നിർമ്മാണം. വർഷങ്ങൾക്ക് ശേഷം മീനയും വിനീതും ഒന്നിക്കുന്നു സീരിസിൽ ഹക്കിം ഷാജഹാൻ, അനീഷ്മ അനിൽകുമാർ എന്നിവർ മറ്റ് പ്രധാന വേഷങ്ങളിലെത്തുന്നു.
പി.എം ഉണികൃഷ്ണൻ ഛായാഗ്രഹണം നിർവ്വഹിച്ച ഈ വെബ് സീരീസിന്റെ എഡിറ്റിംഗ് റിയാസ് കെ ബദറാണ്. സംഗീതം വിഷ്ണു ശ്യാം.
പി.ആർ.ഓ - റോജിൻ കെ റോയ് .'കേരള ക്രൈം ഫയൽസ്', '1000 ബേബീസ്', ലവ് അണ്ടർ കൺസ്ട്രക്ഷൻ എന്നീ സൂപ്പർഹിറ്റ് മലയാളം വെബ് സീരീസുകൾക്ക് ശേഷം ജിയോ ഹോട്ട്സ്റ്റാറിലൂടെ പുറത്തിറങ്ങുന്ന മറ്റൊരു മികച്ച ദൃശ്യ വിസ്മയമായിരിക്കും റോസ്ലിൻ എന്നാണ് ഇതുവരെയുള്ള അപ്ഡേറ്റുകൾ സൂചിപ്പിക്കുന്നത്. മലയാളത്തിന് പുറമെ തമിഴ്, തെലുങ്ക്, ഹിന്ദി, കന്നഡ, ബംഗാളി, മറാത്തി എന്നീ ഭാഷകളിൽ സീരീസ് ലഭ്യമാകും.
Content Highlights: Acclaimed filmmaker Jeethu Joseph plans a new thriller project before starting work on Drishyam 3. The announcement has heightened expectations among thriller genre fans. The director is known for crafting tightly written suspense narratives.
