Get the latest news at
your fingertips!
Download our app now
LIVE TV
Search
സ്വിറ്റ്സർലൻഡിലേക്ക് കുടിയേറിയ മലയാളികളുടെ രണ്ടാം തലമുറയാണ് 'ത്രിലോക'യുടെ പിന്നിൽ പ്രവർത്തിക്കുന്നത്. ജോജി തന്തോണിച്ചിറ, നിധിൻ മാത്യൂസ്, റോബിൻ ഫിലിപ്പ്, സുരജ് മണ്ണഞ്ചേരിൽ എന്നിവർ ചേർന്ന് പുതുതായി രൂപംകൊണ്ട 4Emotions Entertainment ആണ് ചിത്രത്തിന്റെ നിർമ്മാണം നിർവഹിച്ചിരിക്കുന്നത്. കേരളത്തിൽ നിന്ന് പ്രമുഖ സംവിധായകനും നടനുമായ ജിയോ ബേബിയുടെ പിന്തുണയും 'ത്രിലോക' ടീമിന് ഉണ്ട്. ജിയോ ബേബിയാണ് ഈ ചിത്രം അവതരിപ്പിക്കുന്നത്. റിലീസിന് മുമ്പ് തന്നെ ‘ത്രിലോക’ മൂന്ന് അന്താരാഷ്ട്ര ചലച്ചിത്രമേളകളിൽ തിരഞ്ഞെടുക്കപ്പെട്ടു കഴിഞ്ഞു. ഡൽഹിയിൽ നടക്കുന്ന ഗ്ലോബൽ സിനിമ കൺവെൻഷൻ, പാരീസിൽ നടക്കുന്ന ഇന്റർനാഷണൽ ഇൻഡീ ഫിലിം ആൻഡ് സ്ക്രീൻപ്ലേ ഫെസ്റ്റിവൽ എന്നിവ അതിൽപ്പെടുന്നു. സ്വിറ്റ്സർലൻഡിലെ നാഷണൽ സ്വിസ് ഫിലിംസ് ഓർഗനൈസേഷനും 'ത്രിലോക'യുമായി സഹകരിക്കുന്നുണ്ട്.
4EMOTIONS ENTERTAINMENT ന്റെ ആദ്യ സംരംഭമാണ് ‘ത്രിലോക’. ഇതിനുപുറമേ, Dirty Coin: A Bitcoin Mining Documentary എന്ന പ്യൂർട്ടോ റിക്കോ ആസ്ഥാനമായ ഡോക്യുമെന്ററിയുടെ സഹനിർമ്മാണവും ഈ സംഘം നിർവഹിച്ചിട്ടുണ്ട്. ആ ചിത്രവും നിരവധി അന്താരാഷ്ട്ര ചലച്ചിത്രമേളകളിൽ അംഗീകാരങ്ങളും പുരസ്കാരങ്ങളും നേടിയിട്ടുണ്ട്. അതിനൊപ്പം തന്നെ നീരജ് മാധവ്, ഹനുമാൻകൈൻഡ് എന്നിവരെ സ്വിറ്റ്സർലൻഡിലെ അന്താരാഷ്ട്ര ഓപ്പൺ എയർ ഫെസ്റ്റിവലിന് എത്തിക്കുന്നതിൽ ചുക്കാൻ പിടിച്ചതും 4EMOTIONS ENTERTAINMENT ആണ്.
രാജേഷ് ജെയിംസ് ആണ് ത്രിലോകയുടെ സംവിധാനവും തിരക്കഥ രചനയും നിർവ്വഹിച്ചിരിക്കുന്നത്. വിജി ജയിംസ് ആണ് സഹ രചയിതാവ്.
ചിത്രത്തിന്റെ സംവിധായകനായ രാജേഷ് ജെയിംസ് 2014ൽ സ്വിസ് മലയാളി കമ്മ്യൂണിറ്റി നടത്തിയ ഷോർട്ട് ഫിലിം ഫെസ്റ്റിവലിൽ വിജയി ആയിരുന്നു. പ്രശസ്ത സംവിധായകൻ ബ്ലെസ്സി ജൂറി ചെയർമാൻ ആയിരുന്ന ഫെസ്റ്റിവലിൽ ഓഡിയൻസ് ഫേവറേറ്റ് പ്രൈസും ലഭിച്ചത് രാജേഷ് ജെയിംസ് സംവിധാനം ചെയ്ത 'നാണയം' എന്ന ചിത്രത്തിനായിരുന്നു.
സന്ദീപ് എബ്രഹാം ആണ് ചിത്രത്തിന്റെ ഛായാഗ്രാഹകൻ. സ്വിറ്റ്സർലൻഡിലെ ചലച്ചിത്രമേഖലയിൽ ശ്രദ്ധേയനായ സന്ദീപ് അടുത്തിടെ ‘ഹോം സ്വിസ് ഹോം’ എന്ന തന്റെ ആദ്യ പൂർണദൈർഘ്യ ചിത്രം അദ്ദേഹം സംവിധാനം ചെയ്തിരുന്നു. സംഗീത സംവിധാനം നിർവഹിച്ചിരിക്കുന്നത് ഓസ്ട്രിയയിൽ പഠനം പൂർത്തിയാക്കി നിലവിൽ ഇന്ത്യയിൽ തന്റെ സംഗീത ജീവിതം നയിക്കുന്ന അലൻ ഷോജി ആണ്.
ജനുവരി 30ന് സ്വിറ്റ്സർലണ്ടിലെ സൂറിച്ചിലാണ് ചിത്രത്തിന്റെ വേൾഡ് പ്രീമിയർ ഷോ. ലോകത്തിലെ ഏറ്റവും സമ്പന്നമായ വിമാന കമ്പനികളിൽ ഒന്നായ ഫ്ലൈ എമിറേറ്റ്സുമായി ചേർന്നാണ് സിനിമയുടെ പ്രീമിയർ ഷോ നടത്തുന്നത്. ഇത് ആദ്യമായാണ് ഒരു മലയാള സിനിമയുമായി ഫ്ലൈ എമിറേറ്റ്സ് നേരിട്ട് ഇത്തരത്തിൽ സഹകരിക്കുന്നത്.
ഒരു മണിക്കൂർ 40 മിനിറ്റ് ദൈർഘ്യമുള്ള ചിത്രത്തിൽ റോബിൻ ജോൺ ആന്റിൻകര, ജെയ്സൺ കരീടൻ, സുരജ് മണ്ണഞ്ചേരിൽ, ഷാജി അബ്രഹാം, ലിസി അബ്രഹാം, ദിനിയ കൊച്ചാട്ട് , ജെറി കൊച്ചാട്ട്, അർച്ചന ഫിലിപ്പ്, റോബിൻ ഫിലിപ്പ്, എഡ്വിൻ പറയമ്പിള്ളിൽ , മഞ്ജു കുന്നുംപുറത്ത്, വിജി ജയിംസ്, സംവിധായകൻ രാജേഷ് ജയിംസ് എന്നിവർക്കൊപ്പം ജിയോ ബേബിയും ചിത്രത്തിൽ ഒരു അതിഥി വേഷത്തിൽ എത്തുന്നുണ്ട്.
Content Highlights: Triloka releasing in cinemas this january
