നവ കേരള സദസ്സ്; യാത്ര കണ്ണൂരിലെത്തി, ആദ്യ സ്വീകരണം പയ്യന്നൂർ മണ്ഡലത്തിൽ

കണ്ണൂർ: കാസർകോട് ജില്ലയിലെ പര്യടനം പൂർത്തിയാക്കി നവകേരള സദസ്സ് ഇന്ന് കണ്ണൂരില്. പയ്യന്നൂർ മണ്ഡലത്തിലാണ് കണ്ണൂരിലെ ആദ്യ സ്വീകരണം. ഒമ്പത് മണിക്ക് നടക്കുന്ന പ്രഭാത യോഗത്തിനും 10.30നുള്ള വാർത്താ സമ്മേളനത്തിനും ശേഷം മുഖ്യമന്ത്രിയും മന്ത്രിമാരും 11 മണിക്ക് ആദ്യ പരിപാടിയിലേക്ക് എത്തിച്ചേരും.

റോബിൻ ബസിലെ യാത്രക്കാരെ കേരളത്തിലേക്ക് മാറ്റി തമിഴ്നാട് സർക്കാർ

കല്ല്യാശ്ശേരി ഉൾപ്പെടെ ഇന്ന് പര്യടനം നടത്തുന്ന നാല് മണ്ഡലങ്ങളിൽ മൂന്ന് മണ്ഡലങ്ങളും എൽഡിഎഫ് ശക്തികേന്ദ്രങ്ങളാണ്. സിപിഐഎം സംസ്ഥാന സെക്രട്ടറി എം വി ഗോവിന്ദൻ എംഎൽഎയായ തളിപ്പറമ്പിൽ 4.30 നാണ് യാത്ര എത്തുക. വൈകുന്നേരം ആറ് മണിക്ക് യുഡിഎഫ് മണ്ഡലമായ ഇരിക്കൂറിലെ ശ്രീകണ്ഠപുരത്താണ് ഇന്നത്തെ യാത്രയുടെ സമാപനം.

നവ കേരള സദസ്സ് തട്ടിപ്പിന്റെ പുതിയമുഖം; അധികാര ദുര്വിനിയോഗവും ധൂര്ത്തുമെന്നും സുധാകരന്

മുഖ്യമന്ത്രിയുടെ സ്വന്തം ജില്ല എന്ന നിലയിലും സിപിഐഎം ശക്തി കേന്ദ്രം എന്ന നിലയിലും വലിയ ആൾക്കൂട്ടമാണ് ഓരോ സദസിലും പ്രതീക്ഷിക്കുന്നത്. പരാതികൾ സ്വീകരിക്കാൻ കൂടുതൽ പേർ എത്തുന്നതിനാൽ കൗണ്ടറുകളുടെ എണ്ണം കൂട്ടാനും ആലോചനയുണ്ട്.