Get the latest news at
your fingertips!
Download our app now
LIVE TV
Search
വിജയ് നായകനായെത്തുന്ന ചിത്രങ്ങളിലെ മിക്ക പാട്ടുകളും സൂപ്പർ ഹിറ്റുകളായി മാറാറുണ്ട്. ചിത്രം പ്രഖ്യാപിക്കുമ്പോള് തന്നെ അതിലെ ഗാനങ്ങളുടെ റൈറ്റ്സ് നേടാൻ നിരവധി കമ്പനികള് എത്താറുമുണ്ട്. വിജയ് ഡബിൾ റോളിയിൽ എത്തുന്ന ചിത്രം 'ദ ഗോട്ടി'ലെ ഗാനങ്ങളുടെ റൈറ്റ്സ് വൻ തുകയ്ക്ക് വിറ്റുപോയെന്നാണ് പുറത്തു വരുന്ന റിപ്പോർട്ടുകൾ.
ചിത്രത്തിലെ ഗാനങ്ങളുടെ റൈറ്റ്സ് 28 കോടി രൂപയ്ക്ക് വിറ്റുപോയെന്നാണ് ട്രേഡ് അനലിസ്റ്റുകളായ ബോക്സ് ഓഫ് സൗത്ത് ഇന്ത്യ റിപ്പോര്ട്ട് ചെയ്യുന്നത്. കോളിവുഡിലെ ഉയര്ന്ന തുകയാണ് വിജയ് ചിത്രത്തിന് ലഭിച്ചത്. ഏത് കമ്പനിയാണ് പാട്ടുകളുടെ റൈറ്റ്സ് സ്വന്തമാക്കിയത് എന്ന് വെളിപ്പെടുത്തിയിട്ടില്ല. രാഷ്ട്രീയത്തിൽ സജീവമാകുന്നതോടെ സിനിമ വിടാൻ തീരുമാനിച്ച വിജയ്യുടെ വരാനിരിക്കുന്ന ചിത്രങ്ങളിൽ ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രം കൂടിയാണ് ദ ഗോട്ട്.
'ഷൂട്ടിംഗ് തുടങ്ങുന്നതു വരെ പുറത്തിറങ്ങരുത്', മഹേഷ് ബാബുവിന് രാജമൗലിയുടെ നിർദേശംവെങ്കട് പ്രഭു ആണ് ചിത്രത്തിന്റെ സംവിധാനം. മകനും അച്ഛനുമായിട്ടാണ് ചിത്രത്തില് വിജയ് എത്തുന്നത്. ഡി എജിംഗ് സാങ്കേതിക വിദ്യയിലൂടെയാണ് താരത്തെ പ്രായം കുറഞ്ഞ ലുക്കില് എത്തിക്കുക. യുവൻ ശങ്കർ രാജയാണ് ചിത്രത്തിൽ സംഗീത സംവിധാനം നിർവഹിക്കുന്നത്. കെ ചന്ദ്രുവും ഏഴിലരശ് ഗുണശേഖരനുമാണ് തിരക്കഥ എഴുതുന്നത്. ഛായാഗ്രഹണം നിര്വഹിക്കുന്നത് സിദ്ധാര്ഥയാണ്.
ശ്രീലങ്കയിലും ഇസ്താംബുളിലുമായി ചിത്രത്തിന്റെ ഷൂട്ടിംഗ് ബാക്കിയുണ്ടെന്നും ഏപ്രില് അവസാനത്തോടെ മുഴുവൻ പൂർത്തിയാകുമെന്നുമാണ് റിപ്പോര്ട്ട്. ഈ വര്ഷം രണ്ടാം പകുതിയോടെ എന്തായാലും ചിത്രം പ്രദര്ശനത്തിന് എത്തും എന്നാണ് ട്രേഡ് അനലിസ്റ്റുകളുടെ നീരീക്ഷണം. മലയാളത്തിലെ ജയറാമും വിജയ് ചിത്രത്തില് നിര്ണായകമായ ഒരു വേഷത്തില് എത്തുന്നുണ്ട്.
