ന്യൂഡൽഹി: സാമൂഹ്യമാധ്യമ പ്ലാറ്റ്ഫോമായ ടെലഗ്രാം ഇന്ത്യയിൽ പണിമുടക്കി. ഇന്ന് രാത്രി പത്ത് മണിയോടെയാണ് ടെലഗ്രാം നിശ്ചലമായത്.
പലർക്കും മെസേജുകൾ അയക്കാനാകുന്നില്ല. ചിലർ ആപ്പിൽ നിന്ന് തനിയെ ലോഗ് ഔട്ട് ആവുകയായിരുന്നു. അവർക്ക് തിരിച്ച് സൈൻ ഇൻ ചെയ്യാൻ കഴിയുന്നില്ല. തകരാറിന് കാരണമെന്താണെന്ന് പരിശോധിക്കുകയാണെന്ന് ടെലഗ്രാം അധികൃതർ അറിയിച്ചു. സെർവറുകൾക്ക് എന്തെങ്കിലും പ്രശ്നമുണ്ടോ എന്ന് പരിശോധിക്കുകയാണെന്നും അധികൃതർ വ്യക്തമാക്കി.