കോളിവുഡിൽ ഇപ്പോൾ റീ റിലീസ് തരംഗമാണ്. വിജയ് നായകനായ ഗില്ലി തിയേറ്ററുകളിൽ ആരവം സൃഷ്ടിക്കുകയാണ്. രജനികാന്ത്, കമൽഹാസൻ, സൂര്യ, അജിത്, കാർത്തി തുടങ്ങിയവരുടെ ഹിറ്റ് സിനിമകൾ അടുത്ത മാസങ്ങളിലായി കോളിവുഡിൽ റീ റിലീസിന് ഒരുങ്ങുകയാണ്. ഇപ്പോഴിതാ ആ നിരയിലേക്ക് അജിത്തിന്റെ മറ്റൊരു ചിത്രം കൂടിയെത്തുകയാണ്.
അജിത് നായകനായി വമ്പൻ വിജയമായ ബില്ലയാണ് റീ റിലീസിന് ഒരുങ്ങുന്നത്. അജിത്തിന്റെ പിറന്നാളിനോട് അനുബന്ധിച്ച് മെയ് ഒന്നിന് ചിത്രം റീ റിലീസ് ചെയ്യുമെന്നാണ് പിങ്ക് വില്ല റിപ്പോർട്ട് ചെയ്യുന്നത്. തമിഴ്‌നാട്ടിൽ 150 ൽ പരം സ്‌ക്രീനുകളിലാണ് ചിത്രം വീണ്ടുമെത്തുന്നത്.
1980 ൽ പുറത്തിറങ്ങിയ രജനികാന്തിന്റെ ബില്ലയുടെ റീമേക്കായിരുന്നു ഈ അജിത് ചിത്രം. ഡേവിഡ് ബില്ല എന്ന ഡോണിനെയും അയാളെപ്പോലിരിക്കുന്ന ശരവണ വേലു എന്ന കഥാപാത്രത്തെയും ചുറ്റിപ്പറ്റിയാണ് സിനിമ കഥ പറയുന്നത്. നയൻ‌താര, പ്രഭു, റഹ്മാൻ, നമിത തുടങ്ങിയവരും സിനിമയിൽ പ്രധാന കഥാപാത്രങ്ങളായെത്തിയിരുന്നു. 2012 ൽ ബില്ല 2 എന്ന പേരിൽ സിനിമയുടെ പ്രീക്വലുെമത്തിയിരുന്നു.
