തിരുവനന്തപുരം: ലോക്സഭാ തിരഞ്ഞെടുപ്പിന്റെ രണ്ടാം ഘട്ട പോളിങ് മൂന്ന് മണിക്കൂർ പിന്നിടുമ്പോൾ കേരളത്തിലെ പോളിങ് ശതമാനം രണ്ടക്കം കടന്നു. രാവിലെ 10 മണി വരെയുള്ള കണക്ക് പ്രകാരം പോളിംഗ് 13.10 ശതമാനം ആണ്. ഏറ്റവും കൂടുതൽ പോളിംഗ് ശതമാനം ആറ്റിങ്ങൽ മണ്ഡലത്തിലാണ്. 17.49 ശതമാനം പേർ ആറ്റിങ്ങളില്‍ വോട്ട് രേഖപ്പെടുത്തി കഴിഞ്ഞു.
ആലപ്പുഴ മണ്ഡലമാണ് പോളിങില്‍ രണ്ടാം സ്ഥാനത്തുള്ളത്. 16.81 പേരാണ് ഇതുവരെ ആലപ്പുഴ മണ്ഡലത്തിൽ വോട്ട് രേഖപ്പെടുത്തിയത്. ചാലക്കുടിയിൽ 16.72 ശതമാനം പേരും പത്തനംതിട്ടയിൽ 16.43 പേരും വോട്ട് രേഖപ്പെടുത്തി. വയനാട്ടിൽ 16.50 ശതമാനമാണ് പോളിങ് ഇതുവരെ രേഖപ്പെടുത്തിയത്.
ഏറ്റവും കുറഞ്ഞ പോളിങ് പൊന്നാനിയിലാണ് രേഖപ്പെടുത്തിയിരിക്കുന്നത്. 14.43 പേർ ഇതുവരെ പൊന്നാനിയിൽ നിന്നും പോളിംഗ് ബൂത്തിലെത്തി.
