തിരുവനന്തപുരം: വിശ്വാസിയെ മുട്ടിലിഴയിപ്പിച്ച് ഇടവക നേതൃത്വം. തിരുവനന്തപുരം കരുംകുളം ലത്തീൻ കത്തോലിക്കാ ദേവാലയത്തിലാണ് വിശ്വാസിയെ മുട്ടിലിഴയിപ്പിച്ചത്. ഇടവകയുടെ ഭൂമി കൈമാറ്റം ചോദ്യം ചെയ്തതിനാണ് യുവാവിനെ മുട്ടിലിഴയിപ്പിച്ചത്. മുട്ടിലിഴഞ്ഞ് പൊതുമാപ്പ് പറയണമെന്ന് ഇടവക നേതൃത്വം നിർദേശിക്കുകയായിരുന്നു.
ക്രിസ്മസ് ദിനത്തിലാണ് സംഭവം നടന്നത്. മിൻഡ്രസ് എന്ന യുവാവിനാണ് ദുരനുഭവം. എന്നാൽ ഇക്കാര്യത്തെക്കുറിച്ച് പ്രതികരിക്കാനില്ലെന്നാണ് ഇടവക നേതൃത്വത്തിന്റെ നിലപാട്.
