ലണ്ടൻ: ഇംഗ്ലീഷ് പ്രീമിയർ ലീഗിൽ ബേൺലിയെ സമനിലയിൽ പിടിച്ച് ലൂട്ടൺ ടൗൺ. അവസാന നിമിഷത്തിലെ ആവേശ ഗോളിലാണ് ലൂട്ടൺ ടൗൺ സമനില പിടിച്ചുവാങ്ങിയത്. സ്വിസർലാൻഡ് താരം സെക്കി അംദൂനി 36-ാം മിനിറ്റിൽ ബേൺലിക്കായി ഗോൾ നേടി. വിജയത്തിലേക്ക് എന്ന് തോന്നിച്ച സമയത്താണ് ലൂട്ടൺ ടൗണിനായി കാൾട്ടൺ മോറിസ് സമനില ഗോൾ കണ്ടെത്തിയത്.
ചരിത്രത്തിൽ ആദ്യമായി ഇംഗ്ലീഷ് പ്രീമിയർ ലീഗ് കളിക്കുന്ന ക്ലബാണ് ലൂട്ടൺ ടൗൺ. സീസണിലാകെ 21 ഗോളുകൾ നേടി. അതിൽ 12 എണ്ണവും 80 മിനിറ്റിന് ശേഷമാണ് നേടിയത്. ജയത്തോടെ ടേബിളിൽ 18-ാം സ്ഥാനം നിലനിർത്താനും ലൂട്ടൺ ടൗണിന് കഴിഞ്ഞു. ബേൺലി 19-ാം സ്ഥാനത്താണ്.
പ്രീമിയർ ലീഗിൽ ഇന്ന് ചെൽസി ഫുൾഹാമിനെയും മാഞ്ചസ്റ്റർ സിറ്റി ന്യൂകാസിലിനെയും നേരിടും. നാളെ എവർട്ടൺ ആസ്റ്റൺ വില്ലയെയും മാഞ്ചസ്റ്റർ യുണൈറ്റഡ് ടോട്ടനത്തെയും നേരിടും.
