കൊൽക്കത്ത: ഇന്ത്യൻ പ്രീമിയർ ലീഗിൽ ബാറ്റിംഗ് വിസ്ഫോടനം തുടരുകയാണ്. മിക്ക മത്സരങ്ങളിലും ടീമുകൾ 200ന് മുകളിൽ സ്കോർ ചെയ്യുന്നു. ഓരോ ഫോറും സിക്സും ബൗണ്ടറി കടക്കുമ്പോഴും ക്രിക്കറ്റ് ലോകത്തെ ആനന്ദിപ്പിക്കുന്ന ഒരു കൂട്ടരുണ്ട്. ഐപിഎൽ ടീമുകളെ പ്രതിനിധീകരിക്കുന്ന ചിയർഗേൾസ്.
ഇത്തവണത്തെ ഐപിഎല്ലിൽ റൺഒഴുകുന്നതോടെ ചിയർഗേൾസിന് വിശ്രമമില്ലാതായെന്നാണ് ആരാധകർ പറയുന്നത്. ഇക്കാര്യത്തിൽ ഒരു നിർദ്ദേശവുമായി വന്നിരിക്കുകയാണ് കൊൽക്കത്ത നൈറ്റ് റൈഡേഴ്സ് താരം വരുൺ ചക്രവർത്തി. ഡൽഹിക്കെതിരായ മത്സരത്തിൽ മാൻ ഓഫ് ദ മാച്ച് പുരസ്കാരം നേടിയതിന് ശേഷമാണ് താരത്തിന്റെ പ്രതികരണം.
ഐപിഎല്ലിൽ റൺ ഒഴുക്ക് വലിയ തരംഗമായിരിക്കുകയാണ്. ഈ സാഹചര്യത്തിൽ ഒരുകാര്യം മാത്രമെ ചെയ്യാൻ കഴിയൂ. സിക്സുകൾക്ക് മാത്രം ചിയർഗേൾസ് നൃത്തം ചെയ്യുക. ഫോറുകൾക്ക് നൃത്തം ചെയ്യുന്നത് ഒഴിവാക്കാമെന്നും ചക്രവർത്തി നിർദ്ദേശിച്ചു.
