ഡൽഹി: ട്വന്റി 20 ലോകകപ്പിനുള്ള ഇന്ത്യൻ ടീമിനെ ഇന്നോ നാളെയോ പ്രഖ്യാപിച്ചേക്കും. 15 അംഗ ടീമിൽ ഒരു സൂപ്പർ താരത്തെ ഒഴിവാക്കാൻ സാധ്യതയുണ്ടെന്നാണ് റിപ്പോർട്ടുകൾ. ഇന്ത്യൻ ടീമിലേക്ക് പ്രധാന മത്സരം നടക്കുന്നത് ഓപ്പണിംഗ് സ്ഥാനത്തേയ്ക്കാണ്. ശുഭ്മാൻ ഗില്ലും യശസ്വി ജയ്സ്വാളും തമ്മിലാണ് ഈ മത്സരം. ഇരുവരും ഒരുമിച്ച് ടീമിലെത്താനും സാധ്യതയുണ്ട്.
മധ്യനിരയിൽ ശിവം ദുബെ, റിങ്കു സിംഗ് എന്നിവർ തമ്മിലും കടുത്ത മത്സരമുണ്ട്. ഇവർ ഒരുമിച്ച് ടീമിലെത്താനുള്ള സാധ്യതയില്ല. അങ്ങനെ സംഭവിക്കണമെങ്കിൽ ഗിൽ, ജയ്സ്വാൾ എന്നിവരിൽ ഒരാളെ ഒഴിവാക്കണം. നിലവിലത്തെ റിപ്പോർട്ടുകൾ അനുസരിച്ച് 10 താരങ്ങൾ ഇതിനോടകം ഇന്ത്യൻ ടീമിൽ സ്ഥാനം ഉറപ്പിച്ചു കഴിഞ്ഞു.
രോഹിത് ശർമ്മ, വിരാട് കോഹ്ലി, ജസ്പ്രീത് ബുംറ എന്നിവർ ടീമിൽ സ്ഥാനം ഉറപ്പിച്ചെന്നാണ് റിപ്പോർട്ട്. മോശം ഫോമിലാണെങ്കിലും ഹാർദ്ദിക്ക് പാണ്ഡ്യയെ ടീമിലെടുത്തേക്കുമെന്നും സൂചനയുണ്ട്.