ബെംഗളൂരു: ഇന്ത്യൻ പ്രീമിയർ ലീഗിൽ റോയൽ ചലഞ്ചേഴ്സ് വിജയത്തിനിടയിൽ വിരാട് കോഹ്ലി വിമർശിക്കപ്പെടുകയാണ്. സ്കോറിംഗ് വേഗത കുറഞ്ഞതിലാണ് താരത്തിനെതിരെ വിമർശനം ഉയരുന്നത്. എന്നാൽ കോഹ്ലിയെ പിന്തുണച്ച് റോയൽ ചലഞ്ചേഴ്സ് മുൻ താരം ആരോൺ ഫിഞ്ച് രംഗത്തെത്തി. കോഹ്ലിയുടെ ബാറ്റിംഗിനേക്കാൾ സൺറൈസേഴ്സിന്റെ തോൽവിയാണ് ചർച്ച ചെയ്യപ്പെടേണ്ടതെന്നാണ് ഫിഞ്ചിന്റെ അഭിപ്രായം.
രണ്ട് താരങ്ങൾ തമ്മിലുള്ള കൂട്ടുകെട്ട് നിർണായകമാണ്. പവർപ്ലേയിൽ കോഹ്ലി നന്നായി കളിച്ചു. പിന്നാലെ രജത് പാട്ടിദാർ ഫോമിലേക്ക് ഉയർന്നു. അപ്പോൾ പാട്ടിദാറിന് സിംഗിൾ നൽകേണ്ടത് കോഹ്ലിയുടെ ഉത്തരവാദിത്തമാണ്. അതുകൊണ്ട് കോഹ്ലിക്ക് ബൗണ്ടറികൾ അടിക്കാൻ കഴിഞ്ഞില്ലെന്നും ഫിഞ്ച് പ്രതികരിച്ചു.
കോഹ്ലിയെ പരിഹസിക്കേണ്ടവർക്ക് അതു ചെയ്യാം. ടീം തിരിച്ചടികൾ നേരിടുമ്പോൾ ഒരാൾ നന്നായി കളിക്കേണ്ടതുണ്ട്. എന്നാൽ തന്റെ അഭിപ്രായത്തിൽ കോഹ്ലി നന്നായി കളിച്ചെന്നും ആരോൺ ഫിഞ്ച് വ്യക്തമാക്കി.