ചെന്നൈ: ഇന്ത്യൻ പ്രീമിയർ ലീഗിൽ ചെന്നൈയുടെ മത്സരങ്ങൾ നടക്കുമ്പോൾ ഏറെ പ്രധാന്യമുള്ള താരമാണ് എം എസ് ധോണി. താരത്തെ ഗ്യാലറിയിൽ കാണുമ്പോൾ തന്നെ ആരാധകർ ആവേശത്തിലാകും. ലഖ്നൗവിനെതിരായ മത്സരത്തിലും സമാന സംഭവമുണ്ടായി. എന്നാൽ തനിക്ക് നേരെ ക്യാമറാവെക്കേണ്ടെന്നാണ് ധോണിയുടെ നിലപാട്.
ചെന്നൈ ബാറ്റിംഗിനിടെ തനിക്ക് നേരെ ഫോക്കസ് ചെയ്ത ക്യാമറാമാനെ കുപ്പിയെറിയുമെന്ന് ധോണി മുന്നറിയിപ്പ് നൽകി. പിന്നാലെ ക്യാമറ ആരാധകരിലേക്കെത്തി. ഈ സമയം ധോണിയെ കണ്ടതിന്റെ ആവേശത്തിലായിരുന്നു ചെന്നൈ ആരാധകർ. പിന്നാലെ ധോണി ബാറ്റിംഗിന് ഇറങ്ങിയപ്പോഴും ആരാധകരുടെ ആവേശമുണ്ടായി.
മത്സരത്തിൽ ഒരു പന്ത് മാത്രമാണ് ധോണി ബാറ്റ് ചെയ്തത്. ഇതിഹാസ താരത്തിനായി റുതുരാജ് ഗെയ്ക്ക്‌വാദ്‌ അഞ്ചാം പന്തിൽ സ്ട്രൈക്ക് കൈമാറി. നാല് റൺസുമായി താരം പുറത്താകാതെ നിന്നു. സീസണിൽ ഇതുവരെ ധോണിയെ പുറത്താക്കാൻ ആർക്കും സാധിച്ചിട്ടുമില്ല.
