ബെംഗളൂരു: ഇന്ത്യൻ പ്രീമിയർ ലീഗിൽ തുടർതോൽവികൾ നേരിടുകയാണ് റോയൽ ചലഞ്ചേഴ്സ് ബെംഗളൂരു. സൺറൈസേഴ്സിനെതിരായ മത്സരത്തിൽ ഐപിഎൽ ചരിത്രത്തിലെ റെക്കോർഡ് റൺസാണ് റോയൽ ചലഞ്ചേഴ്സ് ബെംഗളൂരു വഴങ്ങിയത്. പിന്നാലെ ബെംഗളൂരു ടീം അധികൃതർക്കെതിരെ കടുത്ത പരിഹാസങ്ങളാണ് ഉയരുന്നത്. വൻവില കൊടുത്ത് വാങ്ങിയ താരങ്ങൾ കളിക്കുന്നു പോലുമില്ലെന്നാണ് മുൻ താരങ്ങളുടെ ഉൾപ്പടെ വിമർശനം.
ഏകദേശം 47 കോടി രൂപയുടെ താരങ്ങൾ ബെഞ്ചിലിരിക്കുന്നതായാണ് മുൻ താരങ്ങൾ ചൂണ്ടിക്കാട്ടിയത്. കാമറൂൺ ഗ്രീനിനെ 17.5 കോടി രൂപയ്ക്കാണ് റോയൽ ചലഞ്ചേഴ്സ് സ്വന്തമാക്കിയത്. 11.5 കോടി രൂപ മുടക്കി സ്വന്തമാക്കിയ അൽസാരി ജോസഫ് സീസണിൽ പകുതിയോളം മത്സരങ്ങളും കളിച്ചിട്ടില്ല.
ഗ്ലെൻ മാക്‌സ്‌വെൽ 11 കോടി രൂപയും മുഹമ്മദ് സിറാജ് ഏഴ് കോടി രൂപയും വാങ്ങിയാണ് റോയൽ ചലഞ്ചേഴ്സിൽ കളിക്കുന്നത്. ഇന്ത്യൻ മുൻ ഓപ്പണിംഗ് ബാറ്റർ അഭിനവ് മുകുന്ദിന്റേതാണ് പ്രധാന പരിഹാസം.
