ചെന്നൈ: ഐപിഎല്ലിൽ ചെന്നൈ സൂപ്പർ കിംഗ്സും കൊൽക്കത്ത നൈറ്റ് റൈഡേഴ്സും തമ്മിലുള്ള മത്സരം പൂർത്തിയായി. ഗംഭീർ-ധോണി പോരെന്നും മത്സരത്തിന് പ്രത്യേകതയുണ്ടായിരുന്നു. ഇരുവരും തമ്മിൽ കണ്ടുമുട്ടിയ രംഗങ്ങളാണ് ക്രിക്കറ്റ് ആരാധകരുടെ ഹൃദയം കീഴടക്കിയത്. വർഷങ്ങളുടെ പിണക്കം അവസാനിപ്പിച്ച് ഇരുവരും പരസ്പരം സൗഹൃദം പങ്കിട്ടു.
'91ഉം 97ഉം കണ്ടുമുട്ടിയപ്പോൾ' എന്നാണ് ജിയോ സിനിമ ഈ ദൃശ്യങ്ങൾക്ക് തലക്കെട്ട് നൽകിയിരിക്കുന്നത്. 2011ലെ ഏകദിന ലോകകപ്പിൽ ഗംഭീർ 97ഉം ധോണി പുറത്താകാതെ 91ഉം റൺസ് നേടിയിരുന്നു. ഇരുവരുടെയും ഇന്നിംഗ്സുകളാണ് ഇന്ത്യയ്ക്ക് ലോകകപ്പ് നേടിത്തന്നത്. എന്നാൽ 2012ന് ശേഷം ഇരുവർക്കും ഇടയിൽ പിണക്കങ്ങൾ ഉണ്ടായി.
12 വർഷത്തിന്റെ ഇടവേളയ്ക്ക് ശേഷം ഇരുവരും പിണക്കങ്ങൾ മറന്നിരിക്കുകയാണ്. മഹേന്ദ്ര സിംഗ് ധോണിയുടെ അവസാന ഐപിഎൽ സീസണാവും ഇത്. വിടവാങ്ങലിന് മുമ്പ് ഇത്ര മനോഹര നിമിഷം ഉണ്ടായത് ധോണിക്കും ഒപ്പം ഗംഭീറിനും ഏറെ ആശ്വാസമാവും.
