ധരംശാല: ടെസ്റ്റ് ക്രിക്കറ്റിൽ അരങ്ങേറ്റം കുറിച്ചതിന് ശേഷം സർഫറാസ് ഖാൻ ഇന്ത്യൻ ക്രിക്കറ്റ് ആരാധകർക്കിടയിലെ സൂപ്പർ താരമാണ്. പ്രത്യേകിച്ചും ക്യാപ്റ്റൻ രോഹിത് ശർമ്മയുമായുള്ള സൗഹൃദമാണ് സർഫറാസിനെ ആരാധകർക്ക് പ്രീയപ്പെട്ടവനാക്കുന്നത്. ഹെൽമറ്റ് ഇല്ലാതെ ഫീൽഡിംഗിനെത്തിയ യുവതാരത്തെ ശാസിച്ച രോഹിത് ശർമ്മ എന്ന വീഡിയോ സമൂഹമാധ്യമങ്ങളിൽ തരംഗമായിരുന്നു. ഇപ്പോഴിതാ സർഫറാസിനെ ഫീൽഡ് നിർത്താൻ പാടുപെടുന്ന രോഹിത്തിന്റെ വീഡിയോയും തരംഗമാകുന്നു.
ഷോട്ട് ലെഗിൽ ഫീൽഡ് ചെയ്യാൻ പറഞ്ഞ സർഫറാസ് അതെവിടെയെന്ന് തിരയുകയായിരുന്നു. പിന്നാലെ രോഹിത് ശർമ്മ കാലുകൊണ്ട് വരച്ച് കാണിച്ചു. എന്നിട്ടും സർഫറാസ് എത്താതിരുന്നതോടെ താരത്തെ രോഹിത് പിടിച്ചുമാറ്റി നിർത്തി. പിന്നാലെ ജയ്സ്വാളിനും രോഹിത് ശർമ്മ ഫീൽഡ് പൊസിഷൻ പറഞ്ഞുകൊടുത്തു. ഇംഗ്ലണ്ട് ഇന്നിംഗ്സിന്റെ ആദ്യ ഇന്നിംഗ്സിലാണ് രസകരമായ സംഭവം.
ആദ്യ ഇന്നിംഗ്സിൽ സാക്ക് ക്രൗളിയുടെ വിക്കറ്റിനായി സർഫറാസ് റിവ്യൂ ആവശ്യപ്പെട്ടപ്പോൾ രോഹിത് നിഷേധിച്ചു. സർഫറാസിനെ രോഹിത് കളിയാക്കുന്നതും സമൂഹമാധ്യമങ്ങളിൽ തരംഗമായിരുന്നു. എന്നാൽ ടെലിവിഷൻ റിപ്ലേയിൽ ക്രൗളി ഔട്ടാണെന്ന് വ്യക്തമായിരുന്നു.