കൊച്ചി: ഇന്ത്യൻ നാവിക സേനയ്ക്ക് നേരെ സൊമാലിയൻ കടൽകൊള്ളക്കാരുടെ വെടിവെപ്പ്. തട്ടികൊണ്ടുപോയ കപ്പൽ മോചിപ്പിക്കുന്നതിനിടയിലാണ് ആക്രമണം നടന്നത്. വെടിവെപ്പിന്റെ ദൃശ്യങ്ങൾ നാവികസേന പുറത്തുവിട്ടു.

കഴിഞ്ഞ ഡിസംബർ 14 ന് സൊമാലിയൻ കടൽക്കൊള്ളക്കാർ തട്ടികൊണ്ടുപോയ കപ്പൽ മോചിപ്പിക്കുന്നതിനുള്ള ദൗത്യം ഇന്ത്യൻ നാവികസേന ആരംഭിച്ചിരുന്നു. ഇന്നലെ ഈ കപ്പൽ കണ്ടെത്തുകയും തുടർന്ന് കടൽകൊള്ളക്കാരുമായി ഏറ്റുമുട്ടലുണ്ടാവുകയുമായിരുന്നു. ഹെലികോപ്റ്ററിൽ കപ്പൽ നിരീക്ഷിക്കാനെത്തിയ നാവികസേനയ്ക്ക് നേരെ വെടിവെപ്പുണ്ടാവുകയായിരുന്നു. ഏറ്റുമുട്ടലിനൊടുവിൽ നാവികസേന കപ്പൽ വീണ്ടെടുത്തു.