തിരുവനന്തപുരം: 85വയസ്സിന് മുകളിൽ പ്രായമുള്ളവർക്ക് വീട്ടിൽ തന്നെ വോട്ട് ചെയ്യാമെന്ന പുതിയ സംവിധാനത്തിന് വലിയ സ്വീകാര്യതയാണ് ഇതുവരെ ലഭിച്ചത്. 1,42,799 വരെ 'വീട്ടിലെ വോട്ട്' വഴി വോട്ട് രേഖപ്പെടുത്തിയതെന്നാണ് തിരഞ്ഞെടുപ്പ് കമ്മീഷൻ പുറത്തുവിട്ട കണക്ക്. അപേക്ഷിച്ചവരില്‍ 81% പേരും വോട്ട് രേഖപ്പെടുത്തിയിട്ടുണ്ട്. . പ്രായമുള്ള 1,02,285 പേരും ഭിന്നശേഷിക്കാരായ 40,514 പേരും വോട്ട് രേഖപ്പെടുത്തി. ഏപ്രില്‍ 25 വരെ വീട്ടില്‍ വോട്ട് രേഖപ്പെടുത്താമെന്ന് തിരഞ്ഞെടുപ്പ് കമ്മീഷൻ അറിയിച്ചിട്ടുണ്ട്.

ബാലറ്റ് വോട്ടിങ്ങാണ് നടത്തുക. വോട്ട് രേഖപ്പെടുത്തിയ ബാലറ്റുകൾ സീൽ ചെയ്ത് മെറ്റൽ ബോക്സിൽ നിക്ഷേപിക്കും. ഈ ബോക്സുകൾ സ്ട്രോങ് റൂമിൽ സൂക്ഷിക്കും. പൂർണമായും സ്വകാര്യത പാലിച്ചുകൊണ്ടാണ് വോട്ടെടുപ്പ് നടത്തുന്നത്. വിശ്വാസ്യതയും സുരക്ഷയും ഉറപ്പുവരുത്തുന്നതിന് വേണ്ട എല്ലാ നടപടികളും സ്വീകരിച്ചിട്ടുണ്ടെെന്നും തിരഞ്ഞെടുപ്പ് കമ്മീഷൻ ഉറപ്പ് നൽകിയിട്ടുണ്ട്.