റിയാദ്​: സൗദി പ്രവാസിയായിരുന്ന ഉത്തർപ്രദേശ് സ്വദേശി നാട്ടിലേക്ക് പോകുന്നതിനായി വിമാനം കാത്തിരിക്കുന്നതിനിടയിൽ കുഴഞ്ഞുവീണ് മരിച്ചു. ഉത്തർപ്രദേശ് ​ഗാസിയാബാദ് മുസാഫർ ന​ഗർ സ്വദേശി സലിം (48) ആണ് മരിച്ചത്. റിയാദ്​ കിങ്​ ഖാലിദ്​ എയർപ്പോർട്ടിൽ വെച്ചായിരുന്നു സംഭവം.

ദീർഘകാലമായി സൗദിയിലെ റിയാദിൽ ജോലി ചെയ്യുകയായിരുന്നു. അവധിയ്ക്ക് നാട്ടിലേക്ക് പോകാൻ എയർപോർട്ടിലെത്തിയ ശേഷം ബോജിങ് പാസെടുത്ത് എമി​ഗ്രേഷൻ പരിശോധന പൂർത്തിയാക്കി വിമാനം കാത്ത് ടെർമിനലിൽ കാത്തിരിക്കുന്ന സമയത്താണ് കുഴഞ്ഞുവീണത്. ഉടനെ തന്നെ മരണം സംഭവിച്ചു.

മൃതദേഹം റിയാദിൽ ഖബറക്കുന്നതിനുള്ള നടപടിക്രമങ്ങളുമായി റിയാദ് കെഎംസിസി മലപ്പുറം ജില്ലാ വെൽഫെയർ വിങ്​ രംഗത്തുണ്ട്. പിതാവ് ഷാഫി, മാതാവ് ഫൗസാന്‍ ബീഗം, ഭാര്യ ഗുൽഷൻ.