ലണ്ടൻ: ഇം​ഗ്ലീഷ് പ്രീമിയർ ലീ​ഗിൽ മാഞ്ചസ്റ്റർ ഡെർബിയുടെ ആദ്യ പകുതിയിൽ ഒരു ​ഗോളിന് മുന്നിലായി മാഞ്ചസ്റ്റർ യുണൈറ്റഡ്. മത്സരത്തിന്റെ എട്ടാം മിനിറ്റിൽ തന്നെ ആദ്യ ​ഗോൾ പിറന്നു. ​ഗോൾ കീപ്പർ ആന്ദ്ര ഒനാനയുടെ ലോങ് കിക്കാണ് ​ഗോളിന് വഴിയൊരുക്കിയത്. സിറ്റിയുടെ കളത്തിലേക്ക് ഒനാനയുടെ ഉയർന്നെത്തി. പന്ത് സ്വീകരിച്ച ബ്രൂണോ ഫെർണാണ്ടസ് റാഷ്ഫോർഡിന് പാസ് നൽകി. പിന്നാലെ തകർപ്പൻ ഫിനിഷിങ്ങിലൂടെ റാഷ്ഫോർഡ് സിറ്റി കീപ്പറെ മറികടന്ന് പന്ത് വലയിലെത്തി.

തിരിച്ചുവരവിനായുള്ള കടുത്ത ശ്രമങ്ങൾ ആദ്യ പകുതിയിൽ സിറ്റിയുടെ ഭാ​ഗത്ത് നിന്നുണ്ടായി. ഒടുവിൽ 45-ാം മിനിറ്റിൽ ​ഗോൾ നേട്ടത്തിനായുള്ള സുവർണാവസരം എർലിം​ഗ് ഹാലണ്ട് നഷ്ടപ്പെടുത്തി. വിൽ ഫോഡന്റെ ഹെഡർ പാസ് സിക്സ് യാർഡ് ബോക്സിനുള്ളിൽ ഹാലണ്ടിന് ലഭിച്ചു. ​ഗോൾ കീപ്പർ ആന്ദ്രേ ഒനാന ഉൾപ്പടെ ആരും ഹാലണ്ടിന് അരികിൽ ഇല്ലായിരുന്നു. എങ്കിലും ഹാലണ്ടിന്റെ കിക്ക് പോസ്റ്റിന് മുകളിലൂടെ പോയി.

മത്സരം ആദ്യ പകുതി പിന്നിടുമ്പോൾ മാഞ്ചസ്റ്റർ സിറ്റിയ്ക്കാണ് 75 ശതമാനവും ബോൾ പൊസഷൻ. 18 ഷോട്ടുകൾ സിറ്റി താരങ്ങളുടെ ഭാ​ഗത്ത് നിന്നുണ്ടായി. മൂന്ന് ഷോട്ടുകൾ മാത്രമാണ് യുണൈറ്റഡിന്റെ ഭാ​ഗത്ത് നിന്നുണ്ടായത്. പക്ഷേ സിറ്റി ആധിപത്യം മറികടന്ന് അപ്രതീക്ഷിതമായാണ് റാഷ്ഫോർഡ് വലചലിപ്പിച്ചത്. ആന്ദ്രേ ഒനാനയുടെ തകർപ്പൻ സേവുകൾക്കും ആദ്യ പകുതി സാക്ഷിയായി.